Qazaqstan Respýblıkasy Parlamenti Senatynyń depýtaty Darıǵa Nazarbaevanyń tóraǵalyq etýimen Respýblıkalyq konkýrstyq komısıanyń memlekettik 6 joǵary ornynyń rektorlaryn saılaý jónindegi otyrysy boldy dep habarlaıdy «Qamshy» portaly QR Parlament Senatynyń baspasóz qyzmetine silteı otyryp. Olar Q. Jubanov atyndaǵy Aqtóbe óńirlik memlekettik ýnıversıteti, Qaraǵandy memlekettik ındýstrıalyq ýnıversıteti, Sh.Esenov atyndaǵy Kaspıı memlekettik tehnologıa jáne ınjınırıń ýnıversıteti, M.Qozybaev atyndaǵy Soltústik Qazaqstan memlekettik ýnıversıteti, Taraz memlekettik pedagogıkalyq ýnıversıteti jáne M.H. Dýlatı atyndaǵy Taraz memlekettik ýnıversıteti. Respýblıkalyq konkýrstyq komısıasynyń qaraýyna osy 6 joǵary oqý ornynyń baıqaýshylar keńesi usynǵan, konkýrsqa ótinish bergen 45 adamnyń 11-i usynyldy. Úmitkerlermen áńgimelesý jáne olardyń joǵarǵy oqý oryndaryn damytý jónindegi baǵdarlamalaryn talqylaý qorytyndysy boıynsha Q. Jubanov atyndaǵy Aqtóbe óńirlik memlekettik ýnıversıtetine Baýyrjan Erdembekovti, Qaraǵandy memlekettik ındýstrıalyq ýnıversıtetine Baqyt Jáýtikovti, M.Qozybaev atyndaǵy Soltústik Qazaqstan memlekettik ýnıversıtetine Serik Ómirbaevty, Taraz memlekettik pedagogıkalyq ýnıversıtetine Darıakúl Qojamjarovany rektor etip taǵaıyndaý usynyldy. Sh.Esenov atyndaǵy Kaspıı memlekettik tehnologıa jáne ınjınırıń ýnıversıteti jáne M.H. Dýlatı atyndaǵy Taraz memlekettik ýnıversıteti boıynsha konkýrs ótpegen bolyp sanaldy jáne Bilim jáne ǵylym mınıstrligine konkýrsty qaıta ótkizý jóninde usynys aıtyldy. Rektorlardyń saılanýy jáne eseptiligi qaǵıdasynyń engizilýi joǵary oqý oryndarynyń akademıalyq jáne basqarý derbestigin kezeń-kezeńmen ulǵaıtý aıasyndaǵy «100 naqty qadam» Ult josparynyń 78-shi qadamyna sáıkes keledi.