Búgin Jambyl oblysynyń Óńirlik komýnıkasıalar qyzmeti alańynda «Nurly jol» memlekettik baǵdarlamasynyń oryndalý barysy týraly brıfıń ótti dep habarlaıdy qamshy.kz. Brıfıńe oblys ákimdiginiń qurylys, jolaýshylar kóligi jáne avtomobıl joldary basqarmasynyń basshysy Ahataev Ádilet Begalyuly baıandama jasap, belgilengen taqyryp aıasynda BAQ ókilderiniń suraqtaryna da jaýap berdi.

Ádilet Begalyulynyń málimetinshe, ınfraqurylymdy damytýdyń 2015 - 2019 jyldarǵa arnalǵan "Nurly jol" memlekettik baǵdarlamasy Qazaqstan Respýblıkasy Prezıdentiniń 2010 jylǵy 19 naýryzdaǵy № 957 Jarlyǵymen bekitildi.

Jambyl oblysy ákimdiginiń qurylys, jolaýshylar kóligi jáne avtomobıl joldary basqarmasy úsh baǵyt boıynsha baǵdarlama ákimshisi bolyp tabylady.

Bilim berý salasyndaǵy ınfraqurylymdy damytý baǵyty boıynsha 2016 jyly – 7 nysan qurylysyna 3,3 mlrd. teńge bólinip, 5 nysan paıdalanýǵa tapsyryldy.

Al, 2017 jyly 2 mekteptiń qurylysyn jalǵastyrýǵa jáne 3 mekteptiń qurylysyn bastaýǵa QR Ulttyq qory esebinen jáne jergilikti búdjetten qosymsha qarjylandyrýǵa 2,63 mlrd. teńge bólinip otyr.

Jańa oqý jylyna deıin, 1600 oqýshyǵa arnalǵan 2 mektep paıdalanýǵa tapsyrylýy josparlanyp otyr.

Odan bólek jańadan bastalatyn 3 mekteptiń qurylysy sáýir jáne shilde aılarynanda bastalady. Nysandar kelesi 2018 jylǵa ótpeli, - dep baıandamasyn qorytyndylady basqarma basshysy Ádilet Ahataev.