Djeıms DıGeıl óziniń jekpe-jegin Londonda ótkizýge nıetti, dep habarlaıdy vesti.kz

Ekinshi orta salmaqtaǵy IBF tujyrymy boıynsha álem chempıony brıtandyq Djeıms DıGeıl (23-1-1, 14 KO) orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkındi (37-0, 33 KO) jazda ótetin jekpe-jeginde qarsylas retinde kórgisi keletinin aıtty. 
DıGeıl óziniń kezekti jekpe-jegin maýsym aıynda Londondaǵy "Arsenal" klýbynyń stadıony - "Emıreıts Stedıýmda" ótkizgisi keledi eken. Golovkınnen bólek bul kezdesýge brıtandyq boksshynyń qarsylasy Kallým Smıt (22-0, 17 KO), Andre Ýord (31-0, 15 KO) jáne Djordj Groývz (25-3, 18 KO) sekildi boksshylary bolýy yqtımal. 
"Golovkın? Men esh qınalmastan bul kezdesý úshin, dańqty chempıonmen jekpe-jek ótkizý úshin salmaǵymdy ózgerte alamyn. 
Sonymen qatar men Kallým Smıtpen de kezdeskim keledi. Óıtkeni, ol qazir babynda. Keıbireýlerdiń pikiri boıynsha, ol meni jeńe alady eken-mys. Men jurttyń qatelesip jatqanyn dáleldegim keledi. 
Ýord ta Golovkın sekildi pound-for-pound boıynsha álemdegi eń kóp suranysqa ıe boksshy. Onymen de kezdesý men úshin úlken mártebe bolatyn edi. Men Golovkınniń salmaǵyna túsýge de, Ýordtyń salmaǵyna kóterilýge de daıynmyn. Men maýsymda Londonda jekpe-jek ótkizgim keledi", - deıdi DıGeıl The Daily Mail portalyna bergen suhbatynda. 
Aıta keteıik, buǵan deıin Golovkınniń sharshy alańǵa maýsym aıynda oralatyny belgili bolǵan edi. Onyń qarsylasy WBO tujyrymy boıynsha álem chempıony Bıllı Djo Sonders (24-0, 12 KO) bolýy ábden yqtımal. Eki boksshynyń komandasy qazir jazda EXPO-2017 kezinde Astanada jekpe-jek ótkizýi týraly kelissóz júrgizýde.