Samsung kompanıasy kezekti jańa smartfondaryn tanystyrdy. Samsung-tyń jańa flagmany eki túrde shyqty - Galaxy S8 jáne S8+.

Jańa smartfondardyń ereksheligi - olardyń dıspleıiniń jaqtaýy joq. S8 telefonynyń ekranynyń dıagonali 5,8 dúım bolsa, S8 Plus smartfonynyń dıagonali - 6,2 dúım. Al dızaıny eki modelde de birdeı. Smartfondardyń foto-sýretteri ǵalamtor betterinde burynyraq shyǵyp qoıǵan.

Eki smartfonnyń da ekranynyń eki sheti ıilgen. Sondaı-aq, bul smartfondardyń panelinde navıgasıalyq klavıshter bolmaıdy., olar tek shynynyń astynda turady eken. Al saýsaq izderiniń skaneri smartfonnyń artqy qaqpaǵyna aýystyrylǵan.

Bul ashylý Samsung kompanıasy úshin úlken bastama boldy.

Erekshelikterine naqty toqtalyp ótsek:

Korpýs

Galaxy S8-niń eki túri de metal ramasymen qaptalǵan áınekten jasalǵan. Áınek ustaýǵa yńǵaıly bolý úshin eki jaǵynan sál ıilgen. Bundaı erekshelik Galaxy Note 7 smartfony úshin de jasalǵan.

Kompanıanyń segizinshi býyny ekrandaǵy sensorlyq basqarý túımelerinen bas tartyp otyr. Esesine, ekran dıagonaliniń kólemin arttyryp, rama kólemi kishireıdi. 

Alaıda «Úıge» túımesinen bas tartý saýsaq skaneri úshin jańa oryn tabýǵa týra keldi. Ony paneldiń artqy bóligindegi kamera modýliniń oń jaǵyna qaraı ornatty.

Al sol jaq bóliginde Bixby qalta kómekshisine qońyraý shalý úshin qosymsha túımesi bolady. Erekshielikteri osylar ǵana. Al qalǵan bólikteriniń dızaıny adamdarǵa tanys.

Galaxy S8-niń korpýsy IP68 standarty boıynsha qorǵalady. Korpýsqa shańnyń enýinen, sondaı-aq tereńdigi 1 jarym metr bolatyndaı sý astynda jarty saǵatqa deıin tózimdiligin saqtaıdy.

Ekran

Galaxy S8 ı S8 Plus ekrandary bıiktigi jaǵynan keńeıtilgen. Bundaı úlken dıagonal eni jaǵynan iPhone 7 Plus-tan da 4 mm deıin kishi bolatynyn kórsetedi.

Dástúrli túrde jańa Galaxy Super AMOLED dıspleıin qoldanady. Ekrannyń basym bóligin ekrandaǵy basqarý túımeleri alady. Alaıda mýltımedıalyq qoldanylymdar men oıyn oınaý barysynda ol túımeler kórinbe turady.

Galaxy S8 smartfonyna  Exynos 8895 jáne Snapdragon 835 syndy eki túrli prosesor ornatylady.

Operatıvti jady 4 GB quraıdy, alaıda, keıbir nusqalarǵa súıensek 6 GB. Al smartfonnyń óziniń jady 64 GB-ty quraıdy. Sondaı-aq, microSD karta-jady úshin qosymsha slot bar.

Kamera

Negizgi jáne frontaldi kamerasy burynǵy qalpynda qalady – 12 jáne 8 Mp. Eki obektıv úshin jaryq kúshi barlyq smartfondardikindeı f1.7.

Galaxy S8 kameranyń jańa Sony IMX333 modýline ıe. Sony Xperia XZ Premium smartfony sekildi jańa Galaxy sekýndyna baıaý qozǵalysty vıdeomen 1000 kadr túsire alatyn kúshi bar.

Sonymen qatar, jańa gadjetterde kózdiń syrtqy qabyǵynyń skaneri adamdy qarańǵy bólmeniń ózinde onyń beti arqyly tanıtyn fýnksıanyń bolatyny aıtylady.

Samsung kompanıasyndaǵylardyń aıtýynsha, S 8 smartfonynyń akýmýlátorynyń syıymdylyǵy - 3000 mAch, al Plus nusqasynyń syıymdylyǵy - 3500 mAch. Sondaı-aq, smartfondardyń symsyz qýat alatyny jáne IP68 standarty boıynsha sý men shańnan qorǵalǵany aıtylady. Jáne de tuńǵysh ret Galaxy S8 smartfonynda Bixby dybys kómekshisi ornatylǵan eken.

Satylymǵa 21 sáýir kúni AQSH-ta shyǵady. Kishi modeliniń baǵasy – $ 750-den bastalsa, al Galaxy S8+ $ 850-dan joǵary.