Túrkıanyń qarýly kúshteri Sırıanyń soltústiginde júrgizgen «Evfrat qorǵany» operasıasy sátti aıaqtalǵanyn málimdedi, dep habarlaıdy RIA jańalyqtar qyzmeti.

 Bundaı málimet Túrkıanyń Ulttyq qaýipsizdik keńesi uıymdastyrǵan otyrysynda aıtyldy. 

«Evfrat qorǵany» operasıasy ulttyq qaýipsizdikti qamtamasyz etý, DAISH lańkesterinen keletin qaýip-qaterden qorǵaný, sırıalyq bosqyndardy eline qaıtarý sátti aıaqtaldy», - delingen málimdemede. 

 Aıta keteıik, Túrkıa áskeri ótken jyldyń 24 tamyzynda Sırıa opozısıasymen birigip, DAISH lańkesterine qarsy «Evfrat qorǵany» operasıasyn bastap, shekaralas Djarablýs jáne El-Bab qalalaryn óz qaramaǵyna alǵan. Osyǵan deıin Túrkıa prezıdenti Erdoǵan osy operasıanyń basty maqsaty - bes myń sharshy shaqyrymdy lańkesterden tazartyp, bosqyndardy qonystandyrýdy kózdeıtinin aıtqan.