Álem boksynda tanymal bapker Freddı Roých orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın (37-0, 33 KO) men amerıkalyq Denıel Djeıkobstyń (32-2, 29 KO) jekpe-jegine qatysty pikir bildirdi, - dep habarlaıdy Vesti.kz

34 jastaǵy Golovkın 18 naýryzda Nú-Iorkte ótken jekpe-jekte qazylar alqasynyń sheshimimen jeńiske jetken edi. Aıtpaqshy, qazaqstandyq 4-shi raýndta Djeıkobsty nokdaýnǵa túsirgen edi. Alaıda amerıkalyq qazaqstandyqqa 12 raýnd boıy shydas bergen birinshi qarsylas boldy.
"Golovkın jeńdi, bul óte jaqsy jekpe-jek boldy. Djeıkobs jaqsy judyryqtasty, bir-eki jaqsy soqqy jiberip aldy, esepte aıyrma týǵyzǵan nokdaýnnan kóterildi. Jaqynnan judyryqtasty, biraq Golovkın sózsiz jeńdi. Golovkın qartaıǵandyqtan kezdesý osyndaı bolǵan shyǵar, onyń qupıasy ashyldy nemese ol Djeıkobs sıaqty solaqaılarmen jóndi judyryqtasa almaıdy. Djeıkobs ábden tıtyqtatty. Judyryqtasý mánerine qarap otyryp, Golovkın baıaýlap qalǵandaı kórindi. Biraq maǵan osylaı kóringeni qarsylasynyń myqtylyǵy shyǵar. Sondyqtan muny da anyqtaýymyz kerek", - dedi Roých Fighthub.com basylymyna bergen suhbatynda.