M.Taıjan beıneúndeýinde áıgili tarıhshy-etnolog, shyǵystanýshy Lev Gýmılevtiń «Jerdiń etnogenezi men bıosferasy» atty eńbegine súıengen, dep habarlaıdy caravan.kz. Pikir ıesi etnologtyń kitaptaryn mektepte júrgende-aq oqyǵanyn, tipti avtordyń ózimen áńgimeleskenin aıtady.

«Ol (L.Gýmılev – red.) etnos joıylmaıdy, etnos jańa ulttardy, ıaǵnı balalaryn, nemerelerin, jalpy urpaǵyn dúnıege ákeledi dep jazǵan. Mysaly, biz, qazaqtar da máńgilik emespiz. Biraq túgimiz qalmaı joıylyp ta ketpeımiz. Bizdiń de balalarymyz, urpaqtarymyz qalady. Solardan bizdiń negizimizdegi jańa ult túziledi. Qazaq handyǵyna deıin, ıaǵnı 15-shi ǵasyrǵa deıin jerimizde túrli taıpalar ómir súrdi. Keıin olar birtutas qazaq ulty bop birikti. 1465 jyly «biz qazaqpyz» dep jar saldy. Al olardan buryn Túrik qaǵanaty, úısinder, saqtar, masagetter boldy. Birneshe myń jyl buryn Andronov mádenıeti boldy. Keıin bári jańa ulttarǵa sińisip ketti. Sondyqtan etnostar júz jyldan keıin, myń jyldan keıin múldem joıylyp ketedi degen durys emes» deıdi Muhtar Taıjan beıneúndeýinde.

Aıta keteıik, Ánýar Nurpeıisov jaqynda Atyraýda ótken blogerler quryltaıynda «Qazaqtar 500 nemese 1000 jyldan keıin ult retinde joıylýy múmkin. Jer betinde bir ǵana etnos qalady» degen pikir aıtqan bolatyn. Onyń bul sózi qoǵamda úlken daý týdyrdy.