Búgin «Nur Otan» partıasy Astanada memlekettik qyzmetti reformalaý máseleleri jóninde partıalyq ashyq tyńdaýlar ótkizdi. Depýtattardyń saýaldaryna Memlekettik qyzmet isteri jáne jemqorlyqqa qarsy kúres agenttiginiń tóraǵasy Qaırat Qojamjarov, QR Bas prokýrorynyń orynbasary Andreı Kravchenko, QR İshki ister mınıstriniń birinshi orynbasary Marat Demeýov, sondaı-aq, birqatar mınıstrlikter men óńir ákimderiniń basshylary jaýap berdi.

Otyrysty ashqan «Nur Otan» partıasy Tóraǵasynyń Birinshi orynbasary   bıylǵy jyly Memleket basshysynyń bastamasymen Qazaqstan Konstıtýsıasyna tarıhı túzetýlerdiń engizilip, ol memlekettik basqarýdyń túbegeıli jańa úlgisiniń negizin qalaǵanyn atap ótti.

«Atqarýshy bıliktiń ókilettigi aıtarlyqtaı ulǵaıdy, sonymen birge barlyq deńgeıdegi memlekettik qyzmetkerlerdiń qabyldaıtyn sheshimderine baılanysty jaýapkershiligi de kúsheıdi.  Sondyqtan sapaly jańa apparatty qalyptastyrý jónindegi Elbasy alǵa qoıǵan mindetter múltiksiz oryndalýy tıis. Bizge zańdylyqty qatań saqtaıtyn, kásibı jaǵynan bilikti jáne jaýapkershiligi zor memlekettik qyzmetkerler kerek», - dep atap ótti Muhtar Qul-Muhammed.