Búgin QR Premer-mınıstriniń orynbasary - Aýyl sharýashylyǵy mınıstri Asqar Myrzahmetov bastaǵan Qazaqstan delegasıasy jumys saparymen Qytaı Halyq Respýblıkasynyń Beıjiń qalasyna bardy, dep habarlaıdy mınıstrliktiń baspasóz qyzmeti.
«Aldaǵy ýaqytta QHR Sapany qadaǵalaý, ınspeksıa jáne karantın jónindegi bas basqarmasy, QHR Aýyl sharýashylyǵy mınıstrligi, QHR Komersıa mınıstrligi, QHR Halyqaralyq saýda-sattyqqa atsalysý komıteti basshylyǵy jáne bıznes qaýymdastyǵy ókilderimen birqatar mańyzdy kezdesý ótkizý josparlanýda» delingen habarlamada.
Delegasıa quramynda Aýyl sharýashylyǵy mınıstrligi men óńirlerdiń salalyq basqarmalarynyń basshylary, «QazAgro» holdıńi men enshiles uıymdary, Ulttyq agrarlyq ǵylymı-bilim berý ortalyǵy ókilderi jáne aýyl sharýashylyǵy qaýymdastyqtarynyń jetekshileri men jeke kásipkerler bar.
Sapardyń basty maqsaty – Memleket basshysy N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyndaǵy AÓK-ke shetelden ınvestısıa tartý men aýyl sharýashylyǵy ónimderiniń eksporty boıynsha bergen tapsyrmalaryn júzege asyrý jáne eki jaqty tıimdi kelisimderge qol jetkizý.
