Reseı prezıdenti Vladımır Pýtın men Belarýs prezıdenti Aleksandr Lýkashenko búgin Sankt-Peterbýrgte kezdesedi, dep habarlaıdy Azattyq. Sońǵy ýaqytta eki el arasynda gaz tasymaldaý men ıntegrasıa máselelerine qatysty jaǵdaı shıelenise bastaǵan. Sońǵy aılarda Lýkashenko Reseıdi birneshe ret ashýmen synaǵan.
9 naýryzda gaz baǵasyna qatysty daýdyń jańa ushtyǵy shyǵa bastaǵan soń Lýkashenko óz elin «eshkim tizerlete almaıtynyn» málimdegen. Budan bir aı buryn ol Reseıdi kelisimdi buzyp, kómirsýtegi energıasynyń mańyzdy tasymaldaýshysy retindegi rólin "alqymnan alý quraly" retinde paıdalandy dep aıyptaǵan.
Mınskiniń málimdeýinshe, Máskeý 2015 jyldyń qańtarynda Eýrazıa ekonomıkalyq odaǵy (EAEO) qurylǵannan beri Belarýske satatyn gazynyń baǵasyn eki esege qymbattatqan. Lýkashenko tipti Mınskiniń Belarýsti NATO-men terıtorıasyndaǵy býferlik aımaq dep sanaıtyn Reseımen jaqyn qarym-qatynastan bas tarta alatynyn ashyq bildirgen.
