«QazAgroQarjy» AQ aýyl sharýashylyǵyndaǵy basty problemalardyń biri egin egý, egin jınaý jumystaryna jáne maýsymaralyq jumystarǵa qajetti tehnıkalyq parkti, sondaı-aq basqa da mamandandyrylǵan jabdyqtardy jańartý problemasyn sheshýde agrarshylarǵa qoldaý kórsetedi. Bul týraly QazAqparat jazdy.
Qazirgi tańda Qazaqstanǵa búkil aýyl sharýashylyǵy mashınalarynyń jartysynan kóbi «QazAgroQarjy» kompanıasynyń qarjylaı qoldaýynyń arqasynda ákelingen. Tek qana ótken jyldyń ózinde kompanıa jalpy somasy 50 mıllıardtan astam teńgege 3 000 birlikten artyq tehnıkany satyp alýdy qarjylandyrǵan.
Lızıń negizinde tehnıka men jabdyqtardy satyp alý múmkindikteri jóninde tolyǵyraq bilý úshin «QazAgroQarjy» AQ ortalyq keńsesine ne bolmasa onyń Qazaqstan boıynsha fılıaldaryna barýyńyzǵa bolady. Kredıt menedjerleri qoldanystaǵy talaptar, merzimderi, syıaqy mólsherlemeleri sıaqty qyzyqtyratyn barlyq máseleler boıynsha sizge keńes beredi. Qarjy lızıńisine tehnıka/jabdyq alý úshin jınaýǵa qajetti qujattar tizbesin usynady. Ótken jyldyń sońynan bastap aýyl sharýashylyǵy tehnıkasy men jabdyqtardyń lızıńisine arnalǵan syıaqy mólsherlemesi jyldyq 19 paıyzdan 17,3 paıyzǵa deıin tómendetilgenin atap ótken jón. Qarjylandyrý merzimi - 10 jylǵa deıin, avanstyq tólemi tehnıka qunynyń 15 paıyzynan bastalady. Sonymen birge, tólemderdi óteýge 1 jylǵa deıin jeńildikti kezeń alý múmkindigi bar», - delingen holdıń aqparatynda.
Sonymen qatar, «QazAgroQarjy» AQ tehnıkany «Belarýsta jasalǵan» baǵdarlamasy boıynsha qarjylandyrýdy jalǵastyrýda. Atalǵan baǵdarlama boıynsha Belarýs Respýblıkasynyń Úkimeti lızıń sharty jasalatyn sátke Qazaqstanda qoldanystaǵy qaıta qarjylandyrý mólsherlemesiniń 2/3 bóligin óteıdi. Bul baǵdarlama qazaqstandyq sýbsıdıalardy da alý múmkindigin joqqa shyǵarmaıdy.
Kompanıa arnaıy qarjylandyrý baǵdarlamalaryn da iske asyrady: «Ekspres-lızıng» baǵdarlamasy - ótinimderdiń jedeldetilip qaralýyn kózdeıdi, «Eginjaı» baǵdarlamasy - tehnıkany alǵashqy lızıńtik tólem tólenerge deıin alý múmkindigin beredi, «Qaıtalama lızıń» - buryn paıdalanýda bolǵan tehnıkanyń lızıńi.
Qoǵamnyń saıasatyna sáıkes, jaǵymdy iskerlik bedeli, kredıttik tarıhy, bilikti qyzmetkerleri bar agroónerkásiptik keshenniń sýbektisi bolyp tabylatyn jeke jáne zańdy tulǵalar qarjylandyrylady. Joba qoǵamnyń jarǵylyq maqsattaryna laıyqty bolýǵa, sondaı-aq onyń boljamdy tóleý qabilettiligi, rentabeldiligi men qarjylandyrý merzimimen salystyrýǵa keletin ótelý merzimi bolýǵa tıisti.
2016 jylǵy qarjylandyrý talaptarymen salystyrǵanda, aǵymdaǵy jyly búdjetten tys kózder boıynsha syıaqy mólsherlemesi jyldyq 19 paıyzdan 17,3% deıin tómendetildi. Biz aýyl sharýashylyǵy taýar óndirýshileriniń júktemesin barynsha azaıtýǵa tyrysamyz. Osyǵan baılanysty, 2017 jylǵy 1 aqpannan bastap 2016 jyly jasalǵan barlyq lızıń sharttary boıynsha syıaqy mólsherlemesi 19%-dan 17,3 paıyzǵa deıin tómendetildi.
Sonymen qatar 2017 jyly bıznes-prosesterdi ońtaılandyrý is-sharalary júrgizildi, sonyń arqasynda:
1) Lızıń boıynsha ótinimderdi qaraý merzimi 8 jumys kúnine qysqartylyp, 18 jumys kún boldy (túzetýdi esepke almaǵanda).
2) Ótinish pen saýalnamany esepke alǵanda, sheshim qabyldaý satysynda qaryz alýshynyń tapsyratyn qujattarynyń eń az paketi 9 (toǵyzǵa) deıin qysqartyldy. Buryn 12 qujat bolǵan.
Eger ótinishker úshin belgilengen krıterıılerge saı kelip, qujattardyń tolyq paketi tapsyrylǵan jaǵdaıda, Qoǵam qandaı da bir shekteýsiz, agroónerkásiptik keshenniń barlyq sýbektilerin qarjylandyrady.
Lızıńke tehnıka men jabdyq berý kezinde kepil qajet emes. Al tehnıka men jabdyq montajdy qajet etetin jaǵdaılarda ǵımarattar ornalasatyn jer telimderimen qosa, lızıń zatynyń montajy júzege asyrylatyn ǵımarat kepilzat bolyp tabylady.
