Sankt-Peterbýrg qalasynda metro vagonynda joıqyn jarylys boldy. On adam qaza, elý deı adam jaraqat alǵan. Barlyq qaza bolǵandarǵa jáne zardap shekkenderge kóńil aıtamyz. Bul jarylys sebebi krımınaldyq, turmystyq ne terorıstik sebebten bolý múmkin. Terorıstik sebebten bolsa - jarylys jasaýshylar Soltústik Kavkazdan, Sheshenstannan, nemese Sırıa-Irak-Túrkıa- Taıaý Shyǵystan bolý yqtımal. Árıne Daısh-Aısıs bul terorıstik akt dep aktorlyqty  óz moınyna ala qalady, biraq terrorlyq akt jasaýshylar olar bolmaýy múmkin. Sheshenstandaǵy áskerı áreket aldynda Reseıde birneshe úıler jáne qoǵamdyq oryndarda jarylystar bolǵan. Sóıtip Reseı-SHeshen arasynda aýqymdy soǵys bastalǵan. Osy joly kináliler Ýkraındyq ultshyldar, ne Ýkraınanyń  arnaıy qyzmetteri degen versıada shyǵa kelýin joqqa shyǵarmaǵan jón, olardy aıyptaý yqtımal. Keıbir ekspertter bul oqıǵalardy Pýtınniń óziniń áreketeri deıtinder de tabylady. Sonymen bul jarylystar kelesi áskerı operasıaǵa syltaý bolýy ábden múmkin. Osy joly da Reseı kórshilerin bireýin aıyptap mılıtarısik aıbyn kórsetip, kúmándi memleketti bombylap ósh alar. Endi Reseıde terorıstik ısterıa bastalady: dalneboıshıkterdiń (aýyr júk mashınalar ıeleri ) ereýili,  jastardyń narazylyq kóshe sherýine ruqsat berilmes, Navalnyıdyń Medvedev pen Pýtındi korrýpsıanersińder dep  aıyptaýy, -bári nazardan tys qalady. Sonymen bul oqıǵa Reseıde  kóterilip kele jatqan halyq narazylyn basýǵa mursat beredi. Terrorıster Reseıge shabýyl jasady , elimizge qaýyip tóndi dep úlken agressıvtik - nasıhat sharalar bastalady. Reseıdiń biraq biriktirýshi personasy bar-ol Pýtın. Endi olar syn saǵatta el birligine shaqyrady.

Ázimbaı Ǵalı