Ózbekstan prezıdenti Shavkat Mırzıaev 4-5 sáýirde resmı saparmen Reseıge baryp, Vladımır Pýtınmen kezdesedi, dep habarlaıdy Kremldiń baspasóz qyzmeti. Mırzıaev Ózbekstan prezıdenti retinde Reseıge alǵashqy ret saparlap bara jatyr. Reseı prezıdentimen kezdesýdegi basty taqyryp: saýda, qaýipsizdik jáne mıgranttar máselesi.

Eki prezıdent úshin bul kópten kútken resmı kezdesý bolmaq. Reseı prezıdenti Vladımır Pýtın Shavkat Mırzıaevti 2016 jyldyń 4 jeltoqsanynda Ózbekstan prezıdenti bolyp saılanǵan kúni-aq Máskeýge shaqyrǵan.

Reseılik aqparat agenttikteri 3 sáýirde Shavkat Mırzıaevtiń Reseımen áskerı-tehnıkalyq yntymaqtastyq týraly kelisimdi ratıfıkasıalaǵanyn habarlady.

Mırzıaev prezıdent retindegi shetelge alǵashqy saparyn naýryzda Túrkimenstanǵa barýdan bastaǵan. Al, 22-23 naýryzda Qazaqstanǵa saparlaǵan.