Amerıkalyq boksshy Denıel Djeıkobs (32-2, 29 KO) orta salmaqta WBA (Super), IBO, WBC jáne IBF tujyrymdary boıynsha álem chempıony, qazaqstandyq boksshy Gennadıı Golovkınmen (37-0, 33 KO) tez arada ekinshi jekpe-jek ótkizgisi keletinin aıtty dep habarlaıdy «Qamshy» portaly Vesti.kz-ke silteme jasap.

Olardyń birinshi kezdesý 19 naýryz kúni, Nú-Iorktegi Madison Square Garden sport kesheninde ótip, tóreshilerdiń sheshimi boıynsha Golovkın upaı aıyrmasymen jeńgen bolatyn. Biraq jekpe-jekten keıin Djeıkobs óziniń jeńisine senimdi bolǵanyn aıtty. "Men tez arada Golovkınmen ekinshi jekpe-jek ótkizgim keledi. Biraq men shamaly kútý kerek ekenin bilemin. Óıtkeni, aldaǵy ýaqytta Golovkınniń josparlary bar. Al meniń jankúıerler maǵan qarsylas retinde kimdi kórgisi keletin?", - dep jazba qaldyrdy boksshy óziniń tvıtter paraqshasynda. Aıta keteıik, Golovkın men Djeıkobs komandalary arasyndaǵy jasalǵan kelisimshartta ekinshi jekpe-jek degen másele qarastyrylmaǵan. Degenmen jekpe-jekten keıin Golovkınmen amerıkalyq boksshymen ekinshi jekpe-jek ótkizýge daıyn ekenin aıtqan edi. Aıta keteıik, ınsaıderlik aqparat boıynsha, BAQ betterinde Golovkın - Sonders jekpe-jegi Astanada 17 maýsymda EXPO-2017 halyqaralyq kórmesi kúnderi ótetini habarlandy. Qazaqstandyq boksshy men meksıkalyq Saýl "Kanelo" Alvares arasyndaǵy jekpe-jek qyrkúıekte ótedi dep boljanady, alaıda kelissózder áli de júrip jatyr.