Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony Gennadıı Golovkınniń (37-0, 33 KO) jattyqtyrýshysy Abel Sanches qazaqstandyq boksshyny synǵa alǵan osy salmaqtaǵy WBO tujyrymynyń chempıony brıtandyq boksshy Bıllı Djo Sonderstiń (24-0, 12 KO) sózderine jaýap berdi, dep habarlaıdy Vesti.kz
Sonders Golovkınniń jeke basyna tıisip, masqaralaıtyn jazý jazylǵan jeıdeni kórsetti. Brıtandyq boksshy bul jeıdeni kezdeısoq bir er adamnyń bergenin aıtady. Jeıdeniń aldyńǵy jaǵynda bylaı dep jazylǵan - "GGG - qorqaq Borat. Sonderspen jekpe-jekke shyq". Bul Sonderstiń Golovkınniń shamyna birinshi ret tıip otyrǵan kezi emes. Buǵan deıin ol 2016 jyly Borerat oıynyndaǵy sóz arqyly, otandasymyzdy mazaq etken edi. 
"Qazir ol Golovkınmen jekpe-jek ótkizýge daıyn bolyp qalypty. Al buǵan deıin she? Golovkın buǵan deıin Sondrespen jekpe-jek ótkizýge daıyn bolǵan kezde qaıda boldy? Ol kezde Sonders daıyn bolǵan joq. Eger jekpe-jek ótpeıtin bolsa, onda ol (Sonders) óz múmkindigin jiberip aldy", - dep keltiredi Sanchestiń sózin NYFights.com portaly. 
Al Badlefthook.com portaly mundaı mazaq etý áreketteri Golovkınniń kelisimshartqa tezirek qol qoıyp jekpe-jekke shyǵýyna yqpal etetinin jáne Sonderske bul aýyr tıýi múmkin ekenin jazdy.
Aıta keteıik, beıresmı aqparat boıynsha, BAQ betterinde Golovkın - Sonders jekpe-jegi Astanada 17 maýsymda EXPO-2017 halyqaralyq kórmesi kúnderi ótetini habarlandy.