Óńirlik komýnıkasıalar qyzmeti Shortandy aýdanynyń Naýchnyı k. EQYU qoldaýymen «Qazaqstannyń kásipker áıelder odaǵy» QB «Kásipker áıelder úshin kóshbasshylyq daǵdylary», "Qazaqstannyń Úshinshi jańǵyrýy: jahandyq básekege qabilettilik», «Básekege qalaı qabiletti bolýǵa bolady», «Qarjylyq saýattylyq» taqyryptarynda oqytý semınarlary ótkizildi dep habarlaıdy qamshy.kz.

Semınarǵa Shortandy, Arshaly, Aqkól aýdandarynyń, Astana q., Kókshetaý q. kásipkerleri qatysty.

Jattyǵýshylar bolyp QR Parlamenti Májilisiniń depýtattary,  «Qazaqstannyń kásipker áıelder odaǵy» QB tóraǵasy, «ASIA» kásipker – áıelder bıznes Asosıasıasy» ZTB prezıdenti Merýert Qazbekova jáne Qazaqstannyń kásipker – áıelder Odaǵynyń atqarýshy dırektory Gúlnár Kúshmurzına  boldy.

Semınarǵa qatysýshylar áleýmettik jáne ekonomıkalyq belsendilikti arttyrý, qarjy quraldaryn jáne jańa tehnologıalardy tıimdi paıdalaný arqyly kásipker – áıelderdiń aqparattyq saýattylyǵyn qalyptastyrý máselelerin talqylady.

Shortandy aýdanynda áıel kásipkerligin damytý jónindegi semınarlar  kásipker – áıelderge problemalardy aıqyndaý jáne aqparattyq qoldaý kórsetý arqyly shaǵyn bıznesti  tıimdi ári saýatty qurý men damytýda kómek kórsetýge baǵyttalǵan.

«Búginde qazaqstandyq áıelder serpindi damyp keletin ekonomıkada laıyq orynǵa ıe bolyp, bızneste jetkilikti joǵary pozısıalarǵa jetti. Birshama qysqa merzimde kásipkerler óz kásiporyndaryna tabys qamtamasyz etýdi isteı aldy, olarǵa tıisti iskerlik áleýet tanytty jáne iskerlik áıel týraly  eskirgen túsinikti ózgertti» - QR Parlamenti Májilisiniń depýtaty Merýert Qazbekova atap ótti.