Ulybrıtanıada 70 jyl birge ómir súrgen erli-zaıypty zeınetkerler bir mezette qaıtys boldy, dep habarlaıdy The Telegraph basylymy.

Basylymnyń málimetinshe, aldymen 93 jastaǵy Ýılf esimdi er azamat kóz jumsa, araǵa 4 mınýt salyp onyń 91 jastaǵy áıeli dúnıeden ótken. Degenmen, ekeýi eki jaqta bolǵan.

Zeınetkerlerdiń týystary aıtqandaı, qarıa ájeıdiń aýrýy sońǵy bir jylda asqynyp ketken. Tipti, kúıeýi ony tanymaı ketetindeı dárejege jetken.

29 naýryz kúni jergilikti ýaqytpen tańǵy saǵat 06:50-de Ýılf Rassel qaıtys bolǵan. Araǵa týra 4 mınýt salyp 5 shaqyrym qashyqtyqtaǵy aýrýhanada jatqan Vera Lester de kóz jumdy. Ol óziniń kúıeýiniń qaıtys bolǵanyn estip úlgermepti.

«Men ájemniń hálin surap aýrýhanaǵa barǵanymda, onyń kózin asha salyp suraǵany atam boldy. Kóz jumar aldyndaǵy eń sońǵy sózderi: «Bizdiń mahabbat hıkaıamyz keremet boldy emes pe, ıá?», dep esine túsirdi erli-zaıyptylardyń nemeresi.

Ýılf Rassel Ekinshi dúnıejúzilik soǵystyń ardageri. Ol osydan birneshe jyldar buryn aqyl kemistigine baılanysty Lestershır graftyǵyndaǵy qarttar úıinde turyp kelgen. Al, onyń áıeli Vera Rassel bıyl qańtardan beri aýrýhanada tósek tartyp jatypty.

Erli-zaıyptylar osydan 75 jyl buryn tanysyp, Ýılf Italıaǵa qyzmetke ketpes buryn ekeýi nekelerin qıǵan.  Odan soń Ýılf Ekinshidúnıejúzilik soǵys kezinde Soltústik Amerıkaǵa attanady. Olardyń úsh uly, 5 nemeresi, 7 shóberesi, sondaı-aq 2 shópshegi bolǵan.