Odnoın Baqyt 1953 jyly Sengel Baıan-ólke aımaǵynda dúnıege kelgen. 2006 jyly Mońǵolıanyń Eńbek sińirgen sportshysy ataǵyn ıelengen. Sonymen birge Mońǵolıa Ulttyq olımpıadalyq komıtetiniń  “Altan Ochır” men “Olımpıın Aldar” ordenderimen marapattalǵan.

1981 jyly Naadamdaǵy bes birdeı jeńisten keıin «memleket suńqary» ataǵyn aldy.

Naadam ulttyq meıramynda 512 den  1024-balýanǵa deıin kúresedi. Jup bolyp kúresip, jeńilgender jarystan shyǵyp otyrady. Ár deńgeıden ótken saıyn arnaıy marapatqa ıe bolady.

«nachın»- «suńqar» - bes týr boıynsha jeńiske jetse;

«harsaga»- «qarshyǵa» - alty týrdaǵy jeńis úshin;

«zaan»- «pil» - jeti týrdaǵy jeńis úshin;

«gard»- «qasıetti qus» - segiz  týr boıynsha jeńiske jetse;

«arslan»- «arystan» - toǵys týr boıynsha;

«avarga»- «báıterek» on týr boıy jeńiske jetý úshin beriledi;

 1024 balýan kúresetin sońǵy týrda jeńiske jetken adam osy mártebege ıe bolmaq.

Búginde O.Baqyt halyqtyń súıikti qaharmanyna aınalyp «Baagıı» atandy.

O.Baqyt Ulan-Batyrdaǵy qurylys kolejinde bilim alǵan. Mektep ýaqytynda voleıbol komandasynda oınap, dzúdo bapkeri onyń negizigi rýhanı jattyqtyrýshysyna aınalǵan. Ol sport masteri jáne onyń laqap aty «Býryl» bolǵan. 

Jattyqtyrýshysy Býryl Gansýh oǵan voleıboldan góri kúreske barýdy usynǵan. Búginde balýan óziniń tálimgeriniń sózderin qýanyshpen eske alady.

1978-den 1986jyldar aralyǵynda Bahyt Mońǵolıa Ulttyq Respýblıkasy quramasynda kúresken. Sol jyldary Máskeý Jazǵy olımpıadasynda  100 kg-nan joǵary salmaqtaǵy jarysqa qatysqan. 1981 jyly Álem kýbogynda erkin kúres boıynsha  qola medalin jeńip aldy.

O.Baqyttyń uly da balýan. Azıadaǵy mońǵol kúresi boıynsha úsh dúrkin qola medaliniń jeńimpazy.

O.Baqyt- kóptegen balýandardyń tálimgeri, ustazy. Sonymen birge, etnıkalyq qazaqtarǵa da baýlýshy.

Dál osy Bahyttyń arqasynda Baıan Ólke aımaǵynyń óziniń «bóhıın devjee»-si bar(balýandar klýby).

Bul klýbtyń  basshysy sol aımaqtyń arystany H.Aıdos jáne bul klýb músheleri arasynda suńqar B.Baatarsol, H.Asen, Mambet, Námhúú jáne Tileýhan esimdi arystandar bar.