Quqyqtyq statısıka jáne arnaıy esepke alý jónindegi komıtet maqsaty ákimshilik is júrgizýdi elektrondyq formatqa aýystyrý bolyp tabylatyn elektrondyq hattamalardy qurý jónindegi pılottyq jobanyń iske qosylǵandyǵy týraly habarlaıdy, dep jazady Qamshy.kz aqparat agenttigi. Bul týraly QR İİM baspasóz qyzmeti habarlaıdy.
Jasalǵan jol júrý erejesi buzýshylyǵynyń hattamasyn rásimdeý úshin adamnyń JSN-in engizse jetkilikti, qalǵanyn júıe ózi shyǵarady.
«Jyl saıyn elimizde shamamen 4 mıllıondaı ákimshilik is qozǵaldy. Olar boıynsha 64 memlekettik organ hattama jasaıdy. Sottardan bólek osy isterdi 50 ýákiletti organ qaraıdy, ıaǵnı osy salaǵa barlyq memleketik apparattardyń jáne elimizdiń árbir tórtinshi azamatynyń qatysy bar. 2016 jyly jalpy somasy 6 mlrd. teńgeden astam bolatyn 3 mıllıon aıyppul salynǵan, al bul barlyq ákimshilik isterdiń 75%-y. Demek, bunyń úlken úlesi ishki ister organdaryna tıesili. Elbasy keıingi Joldaýynda sıfrlyq tehnologıany damytýdy tapsyrdy. Sondyqtan, búgingi kúni biz QR İİM-men birlese otyryp, hattamalardy elektrondy rásimdeý jobasyn iske qostyq. Birinshi kezeńde jol júrý erejeleriniń buzýshylyqtaryn ǵana alamyz» - dedi QR Bas prokýratýrasy Quqyqtyq statısıka jáne arnaıy esepke alý jónindegi komıtetiniń baspasóz qyzmeti.
Elektrondyq hattama aıyppuldardy tezi ári yńǵaıly rásimdeýge múmkindik beredi, ol azamattyń jáne polısıa qyzmetkeriniń ýaqytyn únemdeıdi, sondaı-aq polısıa qyzmetkerlerin qaǵazbastylyqtan shekteıdi. Derekter qorlarymen tikeleı baılanys jasaý quqyq buzýshy, sondaı-aq kólik quraly týraly barlyq qajeti aqparatty alýǵa, quqyq buzýshylyqty jasaýdyń qaıtalanýyn eskere otyryp, onyń durys saralanýyna múmkindik beredi.
Azamattar úshin jobanyń tıimdiligi:
Aıyppuldy rásimdeý kezinde ýaqytty únemdeý (3-5 mınýt).
Aıyppuldy tólegennen keıin qosymsha rastaý qajet etilmeıdi. Reısten alyp qalmaıtyndyǵyna nemese basqa da sanksıalarmen mazalamaıtyndyǵyna senimdi bolýǵa bolady.
İsti qozǵaǵannan beri aıyppuldy tólegenge deıingi barlyq mártebeler týraly habarlama alý.
Rásimdeý aıqyndylyǵy, tirkeýdi boldyrmaý jáne prosestik quqyqtardyń saqtalýy.
Memleket úshin jobanyń tıimdiligi:
Qaǵaz jumysynan arylý.
İsti qozǵaý jáne qaraý kezinde sybaılas jemqorlyqty jáne manıpýlásıany boldyrmaý.
Jazasyz qaldyrmaý, nóldik tózimdilik prınsıpin júzege asyrý. Jaza salý jáne ony oryndaý merzimderin saqtaý. İsti joǵaltý múmkindiginiń bolmaýy.
Aıyppuldardy óndirýdiń 80%-ǵa artýy.
Polısıa qyzmetkerleri qaryzdardy kóre otyra, bilmeıtinderge esterine salyp, tólemegenderdi jazalaıdy.
«Ákimshilik is júrgizýlerdiń biryńǵaı tizilimi» - joǵary qaýipsizdik deńgeıde qaǵaz nusqany tolyǵymen almastyratyn, sıfly aqparat – ákimshilik isterdiń materıaldaryn saqtaýǵa arnalǵan aqparattyq júıe. Bul rette osy júıede ákimshilik is júrgizýdi qozǵaǵan sátten bastap, sonyń ishinde foto, aýdıojazbalar, beınesýretter, sondaı-aq ózge de faıldar jáne baǵdarlamalyq ónimderdi qosa alǵanda alynǵan dáleldemeler týraly barlyq málimetterdi qosýǵa múmkindik beretin úkimniń barlyq shekteýlerin ala otyryp, salynǵan ákimshilik jazany oryndaǵan, ákimshilik aıyppuldy tólegen sátke deıingi áreketterdiń algorıtimin qamtıtyn ákimshilik isti qalyptastyrý qyzmeti bar.
