Katarǵa boıkot jarıalaǵan 4 Arab eli maýsym aıynda Katarǵa qoıǵan 13 shartynyń oryndalýyn talap etýin toqtatty dep habarlaıdy Qamshy.kz aqparat agenttigi.
Saýd Arabıasy, Birikken Arab Ámirlikteri, Bahreın men Mysyr BUU jýrnalıserine endi 6 shart qana oryndalsa qanaǵat etetinin habarlady.
Onyń ishinde terorızm men ekstremızmge kúresti toqtatpaý, arandatýshylyq áreketterdi toqtatý.
Terrorısterge qol ushyn sozǵanyn joqqa shyǵarǵan Katar atalmysh málimdemege áli ún qatpady.
Katar egemendigine qaýip tóndiretin nemese halyqaralyq quqyqty buzatyn talaptardy oryndaýdan úzildi-kesildi bas tartyp otyr.
Esterińizge salaıyq, 6 apta buryn Katarǵa qarsy qatal shekteý qoıylǵan. Sonyń nátıjesinde gazǵa baı 2,7 mln. halqy bar Ámirlik ózine qajetti ónimderdi áýe men teńiz arqyly tasymaldaýǵa májbúr.
Arab elderi BUU Nú-Iorkte ótken brıfıńte kıkiljińdi beıbit túrde sheshkisi keletinin málimdedi.
Saýd Arabıasynyń elshisi Abdýlla al-Mýalımıniń habarlaýynsha, Kaırdaǵy kezdesýde 4 eldiń syrtqy ister mınıstrleri 6 negizgi prınsıp qurdy.
New York Times-tyń habarlaýynsha, bul prınsıpter terorızm men ekstremızmge qarsy kúresti, lańkestik uıymdarǵa kómek kórsetý, qarjylyq qoldaý bildirýge, basqa elderdiń ishki isterine aralasý, arandatýdy toqtatýǵa negizdelgen.
22 maýsymda Katarǵa qoıylǵan 13 talaptyń ishinde: "Al-Djazıra" telearnasyn jabý, túrik áskerı bazasyn joıý, «Musylman aǵaıyndar» uıymymen barlyq baılanysty úzý jáne Iranmen baılanysty álsiretý bar.
BUU BAÁ turaqty ókili Lana Nýsseıbe Katar basty prınsıpterdi qabyldaýǵa daıyn bolmasa, onyń Arab elderi Keńesinde múshe bolyp qalýy qıynǵa soǵatynyn eskertti.
