Enterteinment Weekly basylymynyń málimetinshe, hakerler birneshe bólimniń qupıasyn ashpaq.

Belgisiz hakerler amerıkalyq NVO telearnasynyń kompúterlik júıesinen «Taqtar oıyny» serıalynyń aldaǵy bólimderi jóninde aqparatty urlap ketken, dep jazady Qamshy.kz aqparat agenttigi.

Jergilikti basylymnyń deregine súıensek, qastyq oılaýshylar serıaldyń birneshe bóliminiń sújetin taratpaq oıda, tipti eki bólimin taratyp úlgergen kórinedi. Hakerler NVO arnasynan 1,5 terabaıt bolatyn aqparatty urlap alǵanyn habarlady.

Telearna ókilderi kompúterleriniń kıbershabýylǵa tap bolǵanyn naqtylady. Sondaı-aq hakerler komersıalyq aqparatqa qol jetkizgeni málimdeldi, alaıda dál qandaı aqparat ekeni belgisiz.

«Biz bolǵan oqıǵaǵa baılanysty dereý tergeý jumystaryn bastap kettik. Búginde quqyq qorǵaý organdarymen, kıberqaýipsizdikpen aınalysatyn kompanıalarmen jumys istep jatyrmyz», - delingen NVO arnasynyń habarlamasynda.

«Taqtar oıyny» serıaly Djordj Martınniń «Pesn lda ı plamenı» qıal-ǵajaıypqa negizdelgen romanynyń jelisi boıynsha túsirilgen.

6-maýsymnyń ár serıasyn orta eseppen 25 mln. adam qaraǵan. Búgingi tańda 7-maýsymy júrip jatyr. Kınoepopeıa avtorlary 8-maýsymnyń sońǵy bolatynyn málimdegen.