Kezinde tasymaldaýshy jolaýshylar leginiń azdyǵynan №44 baǵyttaǵy kólik qozǵalysyn toqtatqan bolatyn, alaıda Naýryzbaı aýdanynyń turǵyndary úshin bul baǵyt óte qajet. Osyǵan oraı, Almaty qalasynyń Jolaýshylar kóligi jáne avtomobıl joldary basqarmasy bul baǵyttaǵy kólik qozǵalysyn qaıta ashý týraly sheshim shyǵardy dep habarlaıdy Qamshy.kz aqparat agenttigi Almaty qalasynyń resmı ınternet-resýrsyna silteme jasaı otyryp. Sonymen qatar kóliktiń aýdandyq ákimdik, sot, prokýratýra, HQKO, basqa da memlekettik mekemeler ornalasqan Naýryzbaı aýdanynyń ákimshilik ortalyǵyna deıin barýy qarastyrylǵan.

№ 44 baǵyt boıynsha LIAZ markaly jańa avtobýstar júretin bolady, jańa kólik kondısıonermen jabdyqtalǵan, qala ortalyǵyna keletin jolaýshylar úshin óte qolaıly, kóliktiń sońǵy aıaldamasy Ortalyq stadıon.