AQSH azamattaryna Soltústik Koreıaǵa barýǵa tyıym saldy. Memlekettik departament málimdemesine sáıkes, tyıym salý týraly zań kúshine 1 qyrkúıek kúni enedi, dep jazady Qamshy.kz aqparat agenttigi. KHDR aýmaǵynda júrgen amerıkalyqtar sol ýaqytqa deıin elden ketýleri kerek.

Amerıka bıligi atalmysh sheshimdi qabyldaý barysynda Soltústik Koreıaǵa baratyn amerıkalyq týrıserdiń «uzaq bógelý» qaýpin eskergen. Al tyıym salý týraly zań jýrnalıser men gýmanıtarlyq qyzmetkerlerge arnalmaǵan.

Onyń ústine, memlekettik departament Phenánnyń AQSH aýmaǵyna deıin jetetinin kontınent aralyq balıstıkalyq zymyrandaryn synaý barysyn da eskerdi.

Búginde Soltústik Koreıa túrmelerinde  Amerıkanyń 3 azamaty tutqynda otyr – eki ǵalym men din ýaǵyzdaýshy. Al Otto Varmbıer esimdi amerıkalyq stýdent jalǵan aıyp taǵylyp Soltústik Koreıada 15 jylǵa májbúrli eńbekke tartylǵan. Maýsymda aýyr halde AQSH-qa jetkizildi, birneshe kún ótken soń qaza tapty. Aýyr halge túsýiniń sebebi belgisiz.