«Qarlyq» jazdym qatyryp,

Qalam ushyn batyryp.

Osy jazǵan qarlyqty

Oryndarsyń asyryp...

Bir shokolod, eki jemis shyryny nemese teatrǵa, kınoǵa bılet...

Negizgi mátin osy bolatyn. Ne qalasańyzda qaǵazǵa jazyp, «Qarlyq» talap etken adamyńyzǵa bildirmeı janqaltasyna nemese sýmkasyna, áıteýir sol kúni kózine túsetin bir yńǵaıly orynǵa qoıasyz. Bul Qytaıdaǵy qazaq jastarynyń ortasyna keń taralǵan «salttyń» biri.

«Qarlyq» – alǵashqy qar jaýǵan kúni syılas dosyńyzǵa nemese súıgen jigitińizge, táýir kóretin aǵańyzǵa, áıteýir etjaqyn adamyńyǵa aıtatyn ádemi ótinish hattyń túri. Onyń mynadaı erekshelikteri bar:

«Qarlyq» jazǵan tilkimdeı qaǵazyńyzdy qarsy jaq  ońasha qalǵanda nemese sizden alystaǵanda qaperine iligetindeı etip, jasyryp berýińiz kerek. «Jasyrdym» eken dep qatty qaltarysqa salsańyz múldem kózge túspeı qalýy da ǵajap emes. Onda ótinishińiz oryndalmaı qalady. Sebebi «Qarlyqtyń» merizmi – sol alǵashqy qar jaýǵan bir kún.

«Qarlyqty» qyzyqty, tartymdy etip jazý ózińizge baılanysty. Tipti sózine ılandyra almaı júrgen súıgen qyzynan sol kúni «maquldyq» alatyn pysyq jigitterde bar. Óıtkeni «qarlyqty» oryndaý – óz aldyna «sert». Urysyp qalǵan dosymen de alǵashqy qardy qatar basyp, arqa-jarqa bolyp jatatyndar da joq emes.

Eń bastysy – bul erikti «oıyn». Qalasańyz jazasyz... Qalasańyz oryndaısyz. Qatyp qalǵan eshqandaı tártip joq. Aıtpaqshy, keıingi kezderi «Qarlyqty» SMS pen nemese agent arqyly jazatyndar da shyqty. Asyly, hatpen jazylǵany qyzyq shyǵar...

sýret ǵalamtordan alyndy