Iran elshiligi Tájikstandaǵy azamat soǵysy jyldarynda terorızmdi qarjylandyrýǵa qatysy bar ekenin joqqa shyǵardy dep habarlaıdy Qamshy.kz aqparat agenttigi RIA Novostı-ge silteme berip.

8,9 tamyz kúnderi Tájikstannyń barlyq memlekettik arnalarynda 45 mınýttyq derekti fılm kórsetilgen. Onda fılm avtorlary Irandy Tájikstandaǵy azamat soǵysy bolǵan  (1992-1997 jyldary) ýaqytta  terorızmdi qarjylandyrdy dep aıyptaǵan. Tájistannyń tanymal saıasatkerleri men jýrnalıseri, ǵalymdarynyń ólimi  Tegerannyń qoldaýymen qarjylandyra otyryp iske asyrylǵandyǵy aıtylǵan.

Irannyń dıplomatıalyq ókildiligi málimdemesinde: «Iranǵa qatysty barlyq aıyptaýlar óte kúmándi. Fılmde jazaǵa tartylǵandardyń sózderi men ómirde joq adamdardyń atynan aıtylǵan aıyptaýlar kóp, sondyqtan mundaı jala jabý shyndyqqa úılespeıdi» dep jazyldy.

Elshilik bul fılmniń avtorlary  eki el arasyndaǵy dostyq qarym-qatynastyń  buzylýyna septigin tıgize almaıtynyn málimdedi. «Sońǵy jaǵdaılarǵa sáıkes  Tájikstan energetıka jáne sý resýrsy mınıstriniń Tegeranǵa sapary aıasynda qol jetkizilgen kelissózder arqasynda mundaı mazmundaǵy fılmder men   avtorlardyń  óz maqsattaryna jetpeıtinderi anyq» delindi málimdemede.