2014 jyldan beri jalǵasyp kele jatqan Iemendegi soǵystan 5 myńnan astam beıbit turǵyn qaza tapty. Olardyń basym bóligi odaqtas elderdiń áýe shabýylynan kóz jumǵan. Bul týraly BUU-nyń Adam quqyqtary jónindegi joǵarǵy komısary Zeıd Raad ál-Hýsseın málimdedi dep jazady Qamshy.kz aqparat agenttigi.
Halyqaralyq uıymnyń ókili eldegi tyrysqaq aýrýynyń taralýyna, ushaqtardyń aýrýhanalar men emhanalardy atqylap, qalalar men eldi mekenderdi qorshaýǵa alýy sebep ekenin de atap ótti. Sondyqtan Joǵarǵy komısar Iemendegi adam quqyqtaryna qarsy jasalǵan qylmystardy tergeý úshin halyqaralyq táýelsiz organ qurýǵa shaqyrdy. Óıtkeni 60-tan astam halyqaralyq jáne úkimettik emes uıym osyndaı shaǵym túsirgen.
Pikir qaldyrý