Reseı men Qazaqstan on eki Sý-30SM ushaǵyn jetkizý týraly kelisimshartqa qol qoıdy dep habarlaıdy Qamshy.kz aqparattyq agenttigi Rıa Novıstı-ge silteme jasaı otyryp.

Bul týraly  Reseı prezıdentiniń áskerı-tehnologıalyq yntymaqtastyq máseleleri jónindegi kómekshisi Vladımır Kojın málim etti.

«Iá, «Armıa-2017» halyqaralyq áskerı-tehnıkalyq forýmynda osyndaı shekti kelisim jasaldy. Kelisimniń sharttaryna sáıkes, onyń birinshi jetkizgen sátinen bastap úsh jyl boıy kezeń-kezeńimen júzege asyrylady», - dedi Kojın suraqqa jaýap bere otyryp.

Kelisim 2013 jyly «Irkýt» korporasıasy men «Kazspeseksport» respýblıkalyq memlekettik kásiporny arasyndaǵy tikeleı ózara qarym-qatynasty qamtamasyz etetin Reseı men Qazaqstan arasyndaǵy áskerı-tehnıkalyq yntymaqtastyq týraly kelisim aıasynda júzege asyrylǵan.

4+ býyndy asa ońtaıly Sý-30SM joıǵyshy fazalanǵan antendik tory bar radıolokatormen, basqarylatyn tartqysh vektory bar qozǵaltqyshpen jáne aldyńǵy kóldeneń qysqa basqarý qanatymen jabdyqtalǵan.