Álipbıdiń jańa jobasynda áli de oılanatyn, sarapqa salyp, tájirıbeden ótkizip baryp qoldanysqa engizetin tustar bar. Bul týraly profesor, fılologıa ǵylymdarynyń doktory Aıgúl Serikqyzy İsmaqova aıtty, dep habarlaıdy Qamshy.kz aqparat agenttigi.
«Bul kúnderi qazaq tiliniń jańa álipbıine baılanysty másele qoǵamda qyzý talqylanýda. Elbasymen kezdesken ǵalymdar A. Baıtursynov atyndaǵy Til bilimi ınstıtýtynyń daıyndaǵan jobasyn usyndy. Budan buryn usynǵan 25 áripten turatyn 3 tańbaly álipbı qıyndaý bolyp kelse, keshegi usynǵan nusqa eń qolaıly jáne kópshiliktiń oıynan shyǵady. Ǵalym retinde bul ózgeristi tolyǵymen qoldaımyn», - dedi Aıgúl İsmaqova.
Sondaı-aq, profesor qazaq álipbıin latyn qarpine kóshirý úderisine qatysty aqparattyq-túsindirý jumystaryn jalǵastyrý qajet ekenin eskerdi.
Aıta keteıik, 9 qazanda Memleket basshysyna qazaq tiliniń latyn qarpine negizdelgen jańa jobasy tanystyryldy.
Sonymen qatar, halqymyzdyń latyn alfavıtin esh qıyndyqsyz ıgerip ketýi kúmánsiz. Bul týraly «Turan» ýnıversıtetiniń rektory, Almaty qalasy Qoǵamdyq keńesiniń tóraǵasy Rahman Alshanuly Alshanov málimdedi.
«Keshegi jıynda Elbasymyz aıtqandaı latyn qarpine kóshýge baılanysty halyqtan 300 den astam usynys kelip tústi. Kúrdeli másele bolǵandyqtan halyqtyń pikirin bilý mańyzdy. Biraz nárse eskerildi, jumys jalǵasyp keledi», - dedi Alshanov.
Sondaı-aq jańa jobaǵa sáıkes atqarylyp jatqan jumystardyń baǵytyna oń baǵa berdi.
«Jalpy, atqarylyp jatqan jumystardyń negizgi baǵyttary óte durys dep esepteımin. Jobany iske asyrý barysynda álemdik tájirıbe eskerildi. Bul óte mańyzdy.
Sonymen qatar, Elbasymyz aıtqandaı qazaq tiliniń latyn qarpine kóshýi orys tildi azamattardyń quqyqtaryn, orys tili men basqa da tilderdiń múmkindikterin shektemeıtindigi jáne orys tiliniń burynǵydaı qyzmet atqara beretini jaıynda pikirimen tolyqtaı kelisemin. Qazaq tiliniń jazý tarıhynda álipbı júıesi birneshe tarıhı kezeńderdi basynan ótkizip, ulttyq álipbı deńgeıine jetken. Mysaly, 8 ǵasyr boıy qazaq halqy arab alfavıtin júrgizdi, odan keıin 10 jyldan astam latyn alfavıtin paıdalandy. Osy rette, halqymyzdyń latyn alfavıtin esh qıyndyqsyz ıgerip ketýine kúmán joq».
Aıta keteıik, 9 qazanda Elbasyna qazaq tiliniń latyn qarpine negizdelgen jańa jobasy tanystryldy.
9 qazanda Memleket basshysy Nursultan Nazarbaevqa qazaq tiliniń latyn qarpine negizdelgen jańa jobasy tanystyrylǵan. Atalmysh joba qoǵamdyq talqylaýlar barysynda kelip túsken usynystar negizinde jasalǵan. Jańa jobaǵa sáıkes halyq arasynda qyzý talqy bastaldy, qoǵam belsendileri de óz pikirlerimen bólisti.
Qazaqstannyń halyq ártisi, Qazaqstan Respýblıkasynyń Memlekettik syılyǵynyń ıegeri, kıno jáne teatr akteri Dosqan Qalıuly qoǵam arasynda eshqandaı shı shyǵarmaı, birigip birtutas sheshiletin másele ekenin aıtady.
«Bizdiń keleshegimiz osyǵan da baılanysty bolyp keledi. 30 damyǵan memlekettiń qataryna qosylý da osyǵan baılanysty. Latyn álipbıine ótý álemdik ınovasıalardy jedel ıgerýge, keleshegimizge nyq basyp, tehnologıa men komýnıkasıany meńgerýde múmkindik beretin qural. Sonymen qatar keń sóıleýge, aǵylshyn tilin jáne medısına salasyn meńgerý úshin jol ashatyn memlekettik mańyzdy sharýa. Bir sózben atap aıtqanda, bul ǵajap dúnıe. Budan aıyrylyp qalmaý kerek. Ortamyzda shı shyǵarmaı, bárimiz birtutas birigip sheshiletin másele. Keleshek urpaq úshin, saıasatymyz úshin mańyzy bar ózgeris».
