«Qazgıdromet» RMK 16-20 jeltoqsan aralyǵyndaǵy demalys jáne mereke kúnderine arnalǵan aýa raıynyń boljamyn jarıa etti dep habarlaıdy Qamshy.kz aqparat agenttigi.
Sınoptıkter aldaǵy bes táýlikte qar jaýmaıdy, alaıda aıaz kútiledi dep otyr.
«Sibir antısıklonynyń sýyq jáne qýatty silemderi demalys jáne mereke kúnderi Qazaqstannyń búkil aýmaǵyndaǵy aýa-raıyn anyqtaıtyn bolady. Sondyqtan aýa-raıy basymyraq jaýyn-shashynsyz túngi tumanmen jáne kádimgideı sýyq temperatýramen kútiledi.
Soltústik, ortalyq jáne shyǵys oblystarda túnde keı jerlerde 30°-tan tómen aıaz bolady. Bul kúnderi Qazaqstannyń barlyq aýmaǵynda temperatýra klımattyq normadan 2...5°S tómen kútilýde», delingen habarlamada.
