Reseı prezıdenti Vladımır Pýtın Sankt-Peterbýrgte jáne basqa qalalarda terakt uıymdastyrmaq bolǵandar jaıynda SRÝ aqparatpen bóliskeni úshin AQSH prezıdenti Donald Trampqa telefon arqyly alǵys bildirgen.
Jeksenbide telefon arqyly áńgimede Pýtın Tramqa SRÝ dırektoryna jeke alǵysyn jetkizýin suraǵan. Bul jóninde Kremldiń baspasóz qyzmeti habarlaıdy.
Telefonmen sóılesý kezinde Reseı prezıdenti eger AQSH-qa qarsy qandaı da bir terakt uıymdastyryp jatqany jóninde aqparat bolsa, mindetti túrde Qurama Shtattar bıligine jetkizetinine ýáde bergen.
Reseı arnaıy qyzmetiniń aqparatyna qaraǵanda, AQSH-tyń Ortalyq barlaý basqarmasy (SRÝ) Sankt-Peterbýrgtegi Qazan shirkeýinde jıhadshylardyń qatysýymen terakt uıymdastyrylyp jatyr degen aqparat bergen.
Kúdiktiler 14 jeltoqsanda ustalǵan. Olardyń ishinde Daǵystan, Ingýshetıa jáne Tájikstan azamattary bar. Ustalǵandar ózderine taǵylǵan aıypty moıyndamaıdy. Olar qarýdy Reseıdiń arnaıy qyzmeti "tyǵyp" jiberdi dep esepteıdi.
