Dúnıejúzilik banktiń (DB) dırektorlar keńesi Tájikstannyń aýyl sharýashylyq salasyna qosymsha 15 mln dollar bólýge sheshim qabyldady. Bul jóninde DB-nyń Dýshanbedegi ókildigi málimdedi.
Joba tájik fermerleri men aýyl sharýashylyǵymen aınalysatyn kásipkerlerdiń eńbek ónimdiligin arttyrýǵa arnalǵan.
Dúnıejúzilik banktiń Tájikstandaǵy turaqty ókili Ian-Peter Olters Tájikstanda óndiriletin azyq-túlikti eksportqa shyǵaratyn bolsa, kásipkerlerge óndiristi arttyryp, jumys kúshin kóbeıtýge múmkindik beriledi dep esepteıdi.
Aýyl sharýashylyǵy salasyn kommersıalızasıalaý jobasyna halyqaralyq damý qaýymdastyǵynan 22 mln dollar bólinedi. Bul joba aıasynda myńnan astam jeke kásipkerge 3,3 mln dollar shamasynda qarjy beriledi.
