Qazirgi zaman tehıka men áleýmettik jeliniń damyǵan zamany. Qazirgi qoǵamda, ásirese, jastar ýaqytynyń kóp bóligin áleýmettik jelige jumsaıdy. Qoǵamdaǵy jańalyqtar, ózekti máselelerdiń bárin osy áleýmettik jeli arqyly bilip otyratyn boldyq. Áleýmettik jeli bireýdi quzǵa laqtyrsa, bireýdi quzdan bıikke shyǵaratyn deńgeıge jetti. Jeli arqyly tanymal bolyp, halyqtyń aýzynan túspeıtin jandar da az emes. Olar eshqandaı eńbeksiz halyq arasynda tanymal bolǵandar desek artyq aıtpaǵan bolarmyz.
Iá, qazirgi zamanda eshqandaı eńbesiz tanylýǵa bolady. Bir jylda emes, bir aıda emes, tipti bir apta da emes bir kúnde-aq halyqtyń nazaryna iligip, búkil elge tanymal bolatyn zaman týdy. Qamshy.kz aqparat agenttiginiń tilshisi eshqandaı eńbeksiz halyqtyń aýzynan túspeıtin áleýmettik jeli juldyzdaryn oqyrman nazaryna usynbaq.
Dınara Rahımova
Qazaqstandyq Barbı ataǵyna ıe bolǵan birinshi boıjetken. Nebári 22 jastaǵy boıjetkenniń áleýmettik jelide juldyzy janyp tur. Byltyrǵy jyly otandyq tilshi «Qazaqstandyq Barbı» dep laqap at berip, áleýmettik jelide taratyp jibergen eken.Osydan keıin Dınaranyń áleýmettik jelide juldyzǵa aınaldy. Dınaranyń sýretine qarasańyz qýyrshaqqa qaraǵandaı bolasyz. Bet pishini, úlkeıtilgen erinderi Barbı qýyrshaǵynan aýmaıdy. Dınara jalańash sýretin jarıalaýmen de áleýmettik jelide juldyz bolǵan. Eń qyzyǵy Dınara áleýmettik jelige sýretterin anasy men sińlisi úshin salady eken-mys.
Zamıra Sultan
Qalaýlym baǵdarlamasy arqyly elge tanylǵan boıjetken. Qalaýlym kórmeıtin janda Zamıranyń atyn jurttyń aýzynan estip júrgen bolar. Zamıra tikeleı efır aldynda ersi qylyqtarymen, elge jaǵymsyz áreketterimen tanymal bolǵan.Zamıra áleýmettik jelide jalańash sýretin salmaǵanymen, efırde balaǵat sózder aıtýymen tanymal bolǵan. Tikeleı efırde túrli qazaq qyzyna tán emes áreketter jasaıdy. Efır aldynda er balalarmen jaǵa jyrtysýǵa deıin barǵan bolatyn. Balaǵat sózdi esh qysylmastan aıta beretin Zamıranyń bul áreketi halyqtyń ashýyn týdyrdy. Zamırany kórip qazaq qyzy osyndaı arsyz ba edi degen oıǵa qalasyń.
Aıjan Baızakova
Bul esimdi estimegen qazaqstandyq joq shyǵar. Aıjan Baızakova Azamat Satybaldynyń «Bir sen úshin» kınosynda basty róldi somdaǵan. Osydan keıin Aıjan áleýmettik jelide tanymal bola bastady. Aıjan áleýmettik jelide óziniń ashyq-shashyq kıingen sýretin salǵannan keıin oqyrmandary saǵattap kóbeıe bastaǵan. «Dánikkennen qunyqqan jaman» deýshime edi qazaqta. Oqyrman sanynyń kóbeıgenine mastanǵan Aıjan jalańash sýretterin salýdy kóbeıtti. Ýaqyt óte kele Aıjan áleýmettik jelide oqyrmandary kóp adamdardyń qataryna kirdi. Qansha eńbektense de óz oqyrmandaryn taba almaı júrgen jandardyń aldyn Aıjan jalańash túsken sýretterimen orap ketti. Arzan tirligimen elge tanylǵan Aıjan óz tirligine esh ókinbeıtin sekildi.
Qazirgi zamanda osyndaı ersi árekettermen elge tanylǵan azamattar men azamatshalar kóbeıip ketti. Bir aqsaqal sózinde: «Ótirik ǵumyr keshýdi ómir súrýdiń negizgi tiregine aınaldyryp alǵan búgingi qıturqy adamdardyń aınymas qubylysyn kórip júregiń aınıdy. Basynyń baǵy úshin ar-uıatyn saýdaǵa salyp jaǵympazdyqtyń jarapazanyn aıtyp júrgen jasampazdardy kórgende «apyr-aı, jumyr jer nege jyrtylyp ketpeı shydap tur» degen oıǵa qalasyń. Qulaǵyn satqandardan Qudaı atqandardyń súldesin kórip sasqanymnan kúńirenem de kúrsinem”, – dep edi.
Qazirgi qoǵam kerekke jaramaıtyndardy kerek qylǵan, jyltyrlardy sheshen qylǵan zaman boldy. Zaman talabyna solaı eken dep arymyzdy saýdalap, namysymyzdy aıaqqa taptap, taırańdap júrgender qanshama...
2017 jyly osyndaı qara pıarmen, eshqandaı eńbeksiz halyqqa tanylǵandar jeterlik. Kelesi jyly osyndaı qyzdarymyzdyń etekteri uzaryp, qarasy azaısa eken degen tilegimiz bar.
Daıyndaǵan: Aqnur MUHTARHAN
