Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev óziniń Facebook-taǵy paraqshasynda Ulttyq búrodaǵy jańa taǵaıyndaýlar jaıynda habarlap, jańa kómekshisin tanystyrdy dep jazady Qamshy.kz aqparat agenttigi.

«Búgin apparat jınalysynda zańnama máseleleri boıynsha jańa kómekshim Hakim Qushqalıevti ujymǵa tanystyrdym. Ol uzaq jyldar boıy prokýratýra organdarynda túrli basshylyq qyzmetterdi atqardy, Parlament Májilisiniń depýtattyǵyna saılandy, Qorshaǵan ortany qorǵaý vıse-mınıstri boldy», - dedi Alık Shpekbaev.

Onyń aıtýynsha, Ulttyq búroda eki birdeı jańa taǵaıyndaý jasalǵan.

«İshki qaýipsizdik basqarmasynyń jetekshisi bolyp ulttyq qaýipsizdik podpolkovnıgi Baıanǵazın Ernar, Tergeý departamenti jetekshisiniń orynbasary bolyp ishki ister oryndarynda 20 jyldyq tájirıbesi bar Jumaǵalı Asqat taǵaıyndaldy. Dostar, Agenttiktegi jańa tulǵalardy aldaǵy ýaqytta da sizderge tanystyra beremin», - dedi Alık Shpekbaev.