Álem tosyn jaıttarǵa toly. Tómendegi tizimnen álemdegi eń kóp balaly otbasy men eń jas anany kóre alasyz.
Álemdegi eń birinshi aıaǵy aýyr er adam
Treısı Lagondıno on jasynda óziniń denesindegi jaısyzdyqty sezingen. Segiz jyl ótken soń óz jynys múshesin aýystyrǵan. Operasıanyń nátıjesinde Treısı Tomasqa aınalǵan. Alaıda jas jigit jynystyq organdaryn aýystyrmaımyn dep sheshken. 2007 jyly Logandıno jasandy uryqtaný arqyly bala kótergen. Al áıeli Nensı Bıtı donor bolǵan. 2008 jyldyń 3 shildesinde Súzen Djýletta Bıtı esimdi uldy dúnıege ákelgen.
Segiz balany dúnıege ákelgen amerıkalyq rekord ornatty
Kalıfornıalyq Nadá Denız Daýd-sýleman Gýterres 2009 jyly bir mezgilde segiz balany dúnıege ákeldi. Bul AQSH-taǵy áıeldiń segiz balany dúnıege ákelgen ekinshi jaǵdaı. Birinshisi 1998 jyly tirkelgen. Nadányń sózine qaraǵanda, ol jasandy uryqtaný arqyly kótergen. Budan bólek onyń taǵy alty balasy bar.
Álemdegi qursaǵy keń sýrrogat ana
42 jastaǵy Kerol Horlok álemdik rekord ornatqan sýrrogat ana. 13 jyl ishinde áıel 12 bala kótergen. Onyń ishinde úshem de bar. Kerol aqshadan qysylǵan kezde bir retǵana sýrrogat ana bolamyn dep oılaǵan.
69 bala bosanǵan kóp balaly ana
Bul otbasy 19-shy ǵasyrda Reseı ımperıasynda turǵan. Fedor Vasılevtiń áıeli 27 ret qursaq kóterip, 69 bala bosanǵan.
Álemdegi eń kishkentaı balany bosanǵan áıel
2004 jyly 19 qyrkúıekte Úndistanda Mahadjabına Sheıh esimdi áıel álemdegi eń kishkentaı sábıdi dúnıege ákeldi. Esimi – Ramashý Rahman. Sábıdiń dúnıege kelgen kezdegi salmaǵy - 243,81 gram. Al uzyndyǵy – 10 sm. Áıel sábıin 25 aptalyq kezinde dúnıege ákelgen.
Álemdegi eń qart ana
Úndistandyq Raıo Devı Lohan tuńǵyshyn 70 jasynda dúnıege ákelip, álemdegi eń qart ana atandy. Raıo 40 jyl boıy sábı kótergisi kelgen. Nátıjesinde 2008 jyly sábıin dúnıege ákeldi.
Egiz dúnıege ákelgen álemdegi eń qart ana
Omkarı Panvır 70 jasqa kelgende eki qyzdyń anasy jáne bes nemereniń ájesi bolǵan. 77 jastaǵy kúıeýi Charan Sıngh Panvır ul bolýyn qalaǵan. Nátıjesinde Panvır egiz dúnıege ákelgen. Áıel jasandy uryqtandyrý arqyly sábı kótergen. Balanyń dúnıege kelýi úshin er adam bar múlkin satqan.
Álemdegi eń jas ana. Jasy nebári beste
Lına Medına tuńǵyshyn bes jasynda dúnıege ákelgen. Oqıǵa 1939 jyly bolǵan. Bastapqyda Lınanyń ishinde isik bar dep oılaǵan. Onyń júkti ekenin dárigerler júktiliktiń jetinshi aıynda aıtqan. Lına 14 mamyrda salmaǵy 2,7 keli ul balany dúnıege ákelgen. Sábıdiń esimin Herardo qoıǵan.
Júktilik arasyndaǵy rekord
AQSH turǵynyElızabet Enn Battl eki júktiliktiń arasyndaǵy jyl boıynsha rekord ornatqan. Tuńǵyshyn 19 jasynda 1956 jyldyń 19 mamyrynda dúnıege ákelse, araǵa 41 jyl salyp ekinshi sábıin týǵan. Balanyń esimi – Iosıf.
