Elbasy  el ekonomıkasyn modernızasıalaý jáne sıfrlandyrý jóninde birqatar mindetter qoıdy. Osy mindetterdi oryndaý maqsatynda  Aq Jaıyq óńirinde aýqymdy jumystar jasalýda.

 Batys  Qazaqstan  oblystyq kásipkerlik jáne ındýstrıaldyq- ınovasıalyq damý basqarmasynyń basshysy Arman Jalmaǵambetovtiń aıtýynsha, jalpy aımaqtyq ónimde ónerkásip salasynyń úlesi shamamen 50%-ǵa jýyq, al respýblıkanyń ónerkásibindegi oblys úlesi shamamen 9%-dy quraıdy. 2017 jyldyń qorytyndysy boıynsha oblystyń ónerkásip damýynda oń úrdis baıqalady.

– Eseptik kezeńde oblystyń kásiporyndarymen 1,9 trln. teńgege ónim óndirildi jáne ol 2016jylǵy kórsetkishpen salystyrǵanda 5,5%-ǵa ósti. Mundaı ósimge taý-ken jáne óńdeý ónerkásibi salasyndaǵy óndiris kólemin arttyrý esebinen qol jetkizildi. Óńdeý ónerkásibi salasynyń eksport kólemi 2016 jylǵy kórsetkishten 20,8%-ǵa ósip, 182,2 mln. AQSH dollaryn qurady. Bul salada 2017 jyldyń toǵyz aıynyń qorytyndysy

boıynsha eńbek etetin jumysshylar sany 18,5 myń adamdy qurap, 22,7% paıyzǵa artty.Tartylǵan ınvestısıa kólemi 16 mlrd. teńge, – dedi Arman Janatuly.

Onyń baıandaýynsha, óńdeý ónerkásibi salasyndaǵy negizgi úles tamaq ónerkásibine tıesili, ıaǵnı onyń úlesi 30%-ǵa jýyq, mashına salasynyń úlesi – 21,1%, munaı óńdeý salasynyń úlesi – 17,6%. Ótken jyly óńirdiń mashına jasaýshylarymen 33,3 mlrd. teńgeniń, munaı óńdeýshilermen 27,8 mlrd. teńgeniń ónimderi óndirildi. Bul salada ónim óndirý 2016 jylǵy kórsetkishpen salystyrǵanda 1,8 esege ósti. Bul saladaǵy ósim «Kondensat» AQ-nyń óndiristik bazasyndaǵy benzın óndirisiniń iske qosylýy esebinen boldy. Atalmysh kásiporynda ótken jyly jeńil munaı ónimderin alýdy qamtamasyz etetin vakýmdyq aıdaý seksıasy iske qosyldy. Zaýyt jańǵyrtýdan ótip, endi jylyna burynǵydaı 600 myń tonna emes, 850 myń tonnaǵa deıin kómirsýtegi óńdeledi. Bıyl K5 ekologıalyq klasyna deıin dızel otynyn gıdrotazartýǵa arnalǵan qondyrǵy ornatý josparlanǵan. Qazirgi ýaqytta gıdrotazartý qondyrǵysy qurylysy júrýde», – dedi Arman Jalmaǵambetov. «Zenıttehservıs» JSHS aldaǵy ýaqytta 10 metrden joǵary buıymdardy ystyqtaı myryshtaý sehyn uıymdastyrýdy, «Gıdroprıbor» ǴZI» AQ bazasynda metal jáne turbalardy metalografıkalyq zertteý júrgizetin zertteý zerthanasyn ashýdy josparlady. Óńirdiń kásipkerlikti qoldaý kartasy aıasynda II besjyldyqta 1340 turaqty jumys ornyn qurýmen jalpy quny 84,4 mlrd. Teńgeni quraıtyn 29 ınvestısıalyq joba júzege asyrylýda. Ótken jyly 8 mlrd. teńgege 10 joba iske qosyldy. Bıyl 10 jobany iske asyrý kózdelgen jáne 3,3 mlrd. teńgege alty joba ındýstrıalandyrý kartasyna engizildi. Sonda shamamen 200 jumys oryn qurylady. Olardyń qatarynda «Mal sharýashylyǵynyń qaldyqtaryn óńdeý seh qurylysy» («Kýbleı» JSHS), «Sendvıch-panelder shyǵaratyn zaýyt qurylysy» («Agran» JSHS), «Hımıalyq óndiris bazasynyń qurylysy» («Topan» JSHS), «Kirpish zaýytynyń qurylysy» («134» JSHS), «Beton aralastyrý sehy» («Global Procurement» JSHS), «Kondıterlik ónimder shyǵaratyn sehtyn jańǵyrtylýy» («Hasanov» JK) sekildi jobalar bar. «Bıznestiń jol kartasy – 2020» bıznesti qoldaý men damytýdyń biryńǵaı baǵdarlamasy boıynsha «Oral saýda-ónerkásip kompanıasy» JSHS-ǵa qorǵanysh jabyndy plasıkalyq turbalar óndirisine qosymsha jabdyq, «Oral kabel» JSHS-ǵa elektr kabelin óndirýge jáne «Steklo-Servıs» JSHS-ǵa shynyny óndiristik óńdeý, beriktigin nyǵaıtý keshenin jańǵyrtýǵa, keńeıtýge qajetti jabdyqtar alýǵa qoldaý kórsetildi.

Óńirdegi jas jáne óz isterin jańadan bastaǵan kásipkerler arasynda qaıtarymsyz granttyq qarjyǵa qushtarlyq basym. 2015-2017 jyldary 45 kásipkerge 76 mln. teńge ınovasıalyq granttyq qarjy berilgen. Onyń ishinde 32 grantqa aýyldyq jerlerdegi kásipkerler ıe boldy. 2017 jyly 19 kásipkerge 47 mln. teńge grant buıyrdy. Bıyl 3 sáýirden bastap grantqa ótinimder qabyldanýda. Buǵan búdjetten 47 mln. teńge qarjy bólindi. Sondaı- aq, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda 2017 jyly nesıeleýge 852,8 mln. teńge, bıyl 300,3 mln. teńge bólindi. Bul nesıe 6%-ben ekinshi deńgeıdegi bankter arqyly beriledi.