Orystarǵa kóp sińgen ult ulystar - nemister, evreıler, grýzınder delingen. Biraq eń kóp sińgender- fıno-ýgr etnostary: mordva, chývash, erzá, moksha, t.b. Aıtylmaǵandardyń ishinde tatarlar. Orystanǵandar óz ónerin , saýda , bankırler eńbegi men kapıtalyn Reseıge sińirdi. Orystyń orystyǵyn olar buzǵan joq, kerisinshi kúsheıti.

Qazaqqa sińgen ulttar men ulystar kimder bolǵan?Aldymen qalmaqtar eń kóp sińgender. Qalmaqtar oısyrady sebebi Qytaı(Manchjýr dınastıasy) bıleýshileri jáne qazaq qosyndary Jońǵar memleketin kúıretti, al qytaılar olarǵa genosıd jasady, qashqan qalmaqtar qazaq arasyn panalady. Bara kele qazaqqa sińdi. Qazaqqa bashqurttar men tatarlar sine bastady. Búgingi kúni Ózbekstannan kóshken qaraqalpaqtar, jergilikti ózbekter men uıǵyrlar qazaqtanyp keledi. Qazaq arasynda ultaralyq nekeler 6%, jartysy oryspen, qalǵany- tatar, ózbek, uıǵyrmen. Árıne orys pen tatar men nekeleskenderdiń bir bóligi orystanyp ketti. Sonymen, qazaq asımılásıadan quryǵan joq, sál ósti, mádenı tehnıkalyq dárejesi ósti. Búgingi kúni Qazaqstanda saıası ult qurǵan jón. Biraq saıası qazaq ultynyń tili qazaq tili ǵana bolýy kerek. Egerde qazaq orys mektebine barsa ol orystanýdyń kepili bolady. Qazaqstanda jaqyn bolashaqta negizinen biregeı qazaq mektebi basymgerligi bolýy kerek. Qazaq tiliniń basymgerligi "pozıtıvtik ulttyq dıskrımınasıa" men "normatıvtik ultshyldyq" arqyly júzege asady. Ekeýide - demokratıalyq talap.

Ázimbaı Ǵalı