Memleket basshysy Nursultan Nazarbaev Qazaqstan halqynyń birligi kúninde Astanada merekeni toılaýǵa jınalǵan halyqtyń aldyna sóılegen sózinde AQSH prezıdenti Donald Tramppen kelissózderi jaıly aıtty, - dep habarlaıdy Qamshy.kz aqparat agenttigi Tengrinews.kz saıtyna silteme jasap.  

"Sizder meniń issaparmen Amerıkada bolǵanymdy bilesizder. Sol eldiń prezıdenti Donald Tramp menen bylaı dep surady (onyń áriptesteri bir qatarda, biz qarama-qarsy otyrdyq): "Sizder qaı eldermen jaýlasasyzdar?" Men Qazaqstannyń eshqandaı jaýy joǵyn aıttym. Sonda Tramp bylaı dedi: "Qarańyzdar, Qazaqstan eshkimmen janjaldaspaıdy, al bizdiń aınalamyzdyń barlyǵy jaý". Alla osymyzdan aıyra kórmesin", - dedi Nazarbaev. 

Eske salaıyq, Nursultan Nazarbaev Astanada Qazaq eli monýmentiniń aldyndaǵy alańǵa merekeni toılaýǵa jınalǵan halyqtyń aldyna shyǵyp, sóz sóıledi.