Búgin Premer-Mınıstr Baqytjan Saǵyntaev Astana Finance Days forýmynyń plenarlyq sesıasynda sóılegen sózinde «Astana» halyqaralyq qarjy ortalyǵynyń ashýylýyna oraı ınvestorlar úshin ulǵaıatyn múmkindikter týraly aıtty, dep habarlaıdy Qamshy.kz Premer-mınıstr saıtyna silteme jasap.

Qurmetti hanymdar men myrzalar!

Sizderdi elimizdiń kindik qalasy — búginde óziniń 20 jyldyǵyn atap ótip jatqan arý Astanada qarsy alyp otyrǵanyma shyn júrekten qýanyshtymyn. Elbasymyz Nursultan Ábishuly Nazarbaev aıtqandaı: «Astana – búkil Qazaqstannyń jetistigi. Biz HHİ ǵasyrda ǵalamat dúnıeni birge jasadyq. Adamzat tarıhynda mundaı qalalar eshqashan 20 jyldyń ishinde salynbaǵan. Al, biz saldyq!».

Jas elorda egemen Qazaqstannyń qalyptasýyn; bizdiń jeńisterimiz ben jetistikterimizdi; álemniń damyǵan ekonomıkasynyń top-30-dyǵyna kirýge umtylǵan elimizdiń bolashaǵyn bir arnaǵa toǵystyrdy. Kúni erteń erekshe oqıǵa — bolashaq qarjy naryqtaryna serpin berýge baǵyttalǵan, táýelsizdik jyldaryndaǵy eń iri ulttyq megajoba — Astana halyqaralyq qarjy ortalyǵynyń resmı tusaýkeseri ótedi.

Búgingi dıalog jáne sizdermen kezdesý asa mańyzdy, sebebi AHQO alǵashqy qadamyn endi basyp jatyr. Bizdiń áńgimemiz, sizderdiń keńesterińiz ben usynystaryńyz bizge Qarjy ortalyǵynyń jumysyn durys úılestirip, onyń múmkindikteri men artyqshylyqtaryn pash etýge septigin tıgizetinine senimdimin.

AHQO jańa býynnyń qarjy ortalyǵy retinde qurylýda.

Ol álemdik qarjy ortalyqtarynyń klasıkalyq fýnksıalaryn — ótimdi jáne teńdestirilgen kapıtal naryǵyn damytý men jeke tulǵalardyń aktıvterin jáne ál-aýqatyn basqarýdy oryndap qana qoımaı, sonymen qatar dúnıejúzilik qarjy áleminiń eń perspektıvaly damý baǵyttaryndaǵy qyzmetterdi kórsetetin bolady.

Biz AHQO-ny qarjy tehnologıalary salasyndaǵy sheshimderdi qurý men damytýǵa arnalǵan fıntek-plasdarm retinde qarastyramyz. Mundaı jumystar Mastersard jáne Visa, Microsoft jáne Tai Cloud Corp kompanıalarymen áriptestik negizinde bastalyp ta ketti.

AHQO 60-tan astam iri qarjy ınstıtýttaryn, sondaı-aq Jahandyq fıntek-habtar federasıasyn qamtıtyn R3 halyqaralyq konsorsıýminiń qatysýshysy boldy.

Astana halyqaralyq qarjy ortalyǵy «jasyl» qarjylandyrý quraldaryn, mehanızmderin jáne standarttaryn engizý úshin tıimdi alańǵa aınala alady. Bul oraıda, klıntek salasynda Jasyl qarjylar quzyreti ortalyǵy, sonymen qatar BUU qamqorlyǵymen Halyqaralyq jasyl tehnologıalar jáne ınvestısıalyq jobalar ortalyǵy qurylyp, jumys istep jatyr.

AHQO qarjylyq qyzmetteriniń taǵy bir ereksheligi — ıslamdyq qarjylandyrý naryǵynyń damýyna yqpal etý. Qazirdiń ózinde AHQO bazasynda Azıa Damý Banki jáne Islam Damý Bankimen birlesip qajetti quqyqtyq jáne retteýshilik orta quryldy. Bıylǵy jyldyń sońyna deıin memlekettik ıslamdyq qundy qaǵazdar — sýkýktar emısıasy júrgiziledi. AHQO-ny biz bolashaqta ıslamdyq qarjylandyrýdyń óńirlik haby retinde kóremiz.

Osylaısha, Astana halyqaralyq qarjy ortalyǵy jetkilikti dárejedegi aýqymdy qarjy qyzmetterin usynatyn bolady. Árıne, onyń budan basqa da artyqshylyqtary bar.

AHQO klıentteri men qatysýshylaryna ne usynady, qandaı paıdasyn, múmkindikterin beredi?

Birinshiden, AHQO Eýrazıanyń perspektıvaly naryqtaryna shyǵý múmkindikterin arttyrady.

Qazaqstan AHQO-ny álemdik qarjy júıesiniń bóligi retinde qarastyrady.

Álemdegi aqsha aǵynyn basqaratyn qarjy ortalyqtarynyń jahandyq tizbegi búkil jer shary arqyly — Torontodan Sıdneıge deıin, Tokıodan Nú-Iorkke deıin ótedi. Olardyń árqaısysynyń ózindik biregeı salasy bar.

Astana halyqaralyq qarjy ortalyǵynyń geografıalyq erekshe ornalasýy Ortalyq Azıa, EAEO, Kúngeı Kavkaz, Taıaý Shyǵys elderiniń naryǵyna shyǵýǵa múmkindik beredi.  

Sonymen qatar Astana «Beldeýler men Joldar» jahandyq bastamasynyń jańa transqurlyqtyq baǵyttarynyń basty toraptarynyń biri bolyp tabylatynyn da eskerý kerek.

Sondyqtan AHQO Batys Qytaı, Mońǵolıa jáne Eýropa elderi arasyndaǵy qarjylyq-ekonomıkalyq kópirge aınala alady.

Munyń barlyǵy 1 mlrd astam adamdy qamtıtyn alyp naryqqa jol ashady.

Ekinshiden, AHQO-nyń táýelsiz quzyreti.

Dúnıejúziniń barlyq qarjy ortalyqtaryndaǵy tárizdi, quqyq jáne sot júıesi aǵylshyndyq jalpy quqyq prınsıpterin ustanady.

Arbıtraj ortalyǵy, Halyqaralyq qarjy soty jáne táýelsiz qarjylyq retteýshi retinde Qarjylyq qyzmetterdi retteý jónindegi komıtet quryldy.

Atalǵan barlyq qurylymdardy álemge tanymal tájirıbeli zańgerler basqarady. Qurmetti ser Výlf jáne qurmetti sot músheleri, Djadj hanym, Doman hanym, men sizderge Qazaqstan Respýblıkasynyń shaqyrýyn qabyl alǵandaryńyz úshin jáne sizder shyn máninde álemdik qarjy júıesiniń jańa elementi retinde Astana halyqaralyq qarjy ortalyǵynyń negizin salýshylardyń biri bolǵandaryńyz úshin shyn júrekten alǵys aıtamyn.

Qurmetti hanymdar men myrzalar!

Óziniń geografıalyq jáne zańdy basymdyqtaryn AHQO salyq artyqshylyqtarymen, jeńildetilgen valútalyq, vızalyq jáne eńbek rejımderimen, kólik qolaılylyǵymen naqtylaıdy.

AHQO organdary men qatysýshylary, sondaı-aq olardyń qyzmetkerleri salyq tólemderinen 50 jylǵa bosatylady. Olar — qarjylyq jáne qosymsha qyzmetterden túsetin kiristerge korporatıvti tabys salyǵy, jeke tabys salyǵy, jer salyǵy jáne múlik salyǵy.

AHQO qatysýshylary AHQO Bırjasynyń kelisimsharttary men erejelerinde qarastyrylǵan kez kelgen valútany paıdalana alady.

65 eldi azamattary, onyń ishinde EYDU barlyq elderi úshin vızasyz kelý engizildi.

AHQO Organdarynyń qyzmetkerleri men qatysýshylary jáne olardyń otbasylarynyń músheleri úshin 5 jylǵa deıin merzimge arnaıy vızalyq rejım qarastyryldy.

Kóliktik qoljetimdiligi keńeıtildi. Búginde Astana tikeleı áýe qatynasy arqyly álemniń 9 qarjy ortalyǵymen baılanysady. Aldaǵy bir, bir jarym jyl ishinde kezeń-kezeńmen jańa halyqaralyq reıster ashylatyn bolady: Sıngapýr, Tokıo, Nú-Ĭork jáne t.b.

Osylaısha, qazirgi tańda Halyqaralyq qarjy ortalyǵynyń biregeı jumys mehanızmi quryBizdiń alǵashqy iri qadamymyz AHQO Bırjasyna asa iri ulttyq kompanıalardyń aksıalaryn jarıa ornalastyrý bolmaq.

Biz IPO-ǵa ulttyq ekonomıka alyptary — «Eır Astana», «Qazatomónerkásip», «Qazaqtelekom» kompanıalary shyǵarylady dep josparlap otyrmyz.

2020 jyldyń sońyna deıin elimizdegi basqa da asa iri «Qazaqstan temir joly», «QazMunaıGaz», «Samuryq-Energo», «Qazposhta», «Taýken Samuryq» jáne «Qazaq Eır» kompanıalarynyń aksıalary shyǵarylady.

Bul — bıznes pen ınvestorlar úshin biregeı múmkindikter.

Kúni keshe ǵana Astanada álemniń 40 elinen 500-den astam iri kásipkerlerdiń jáne ınvestorlardyń qatysýymen jyl saıynǵy «Qazaqstanǵa jahandyq ınvestısıalar máseleleri jónindegi dóńgelek ústel» ótti.

Investorlardyń Úkimetpen tikeleı dıalog ornatýy, seriktestermen pikir almasý elimizde jumys isteýge joǵary ınvestısıalyq qyzyǵýshylyq bar ekenin kórsetti. Dóńgelek ústel aıasynda jalpy somasy $4,8 mlrd 30 jýyq túrli komersıalyq qujattarǵa qol qoıyldy.

 Biz ınvestorlardyń mundaı senimin baǵalaımyz!

Qazaqstan Úkimeti barlyǵyńyzdy AHQO qatysýshysy bolýǵa shaqyrady! Qazaqstan óziniń jahandyq ashyqtyǵyn jáne sizdermen dıalog ornatýǵa ázirligin rastaıdy!