Qaratóbeniń óner adamdary qoldaryna dombyra ustap sahnada júrýdiń ornyna qoldaryna kúrek ustap ájethana qazyp júrgeni janymyzǵa qatty batady degen taqyryppen BQO Táýelsiz kásipodaq uıymynyń tóraǵasy Talǵat Aqaýov óz feısbýk paraqshasynda jazba jarıalady. Taqyryby aıǵaılap turǵan dúnıege nazar salmaý múmkin emes. Óner adamdarynyń quqy taptalyp jatyr degen janaıqaıǵa biz beıjaı qaraı almaımyz. Sondyqtan da oqyrmanmen bólisýdi jón kórdik. Bir aıta keterligi, ekinshi taraptyń da túsiniktemesin berýge daıarmyz.
Qaratóbe aýdan ákimi orynbasary J.Sultan jáne mádenıet bólimi basshysy M.Esendosov ulttyq ónerdi taptamańdar! Óner adamdarymyzdy bylaı qorlamańdar!
BQO ákimi A.Kólginovtiń, oblystyq mádenıet basqarmasynyń basshysy Q.Musaǵalıevtiń, qoǵamnyń jáne óner adamdarynyń nazaryna!
ÓNER ADAMDARYNYŃ QUQYǴYN BİZ HALYQ BOLYP QORǴAMAǴANDA KİM QORǴAIDY!
Týǵan jerim BQO Qaratóbe aýdanyna baryp jerlesterimmen kezdeskende mádenıet pen óner salasyndaǵy keleńsizdikterdi, ádiletsizdikterdi kózben kórip, qulaǵymen estigende osy óńirdiń perzenti retinde janyma qatty batty. Qut daryǵan kıeli óńirden nebir dúldil dástúrli ánshiler men elge tanymal óner adamdary jáne halyqqa belgili mádenıet qaıratkerleri shyqqan. Solardyń izbasarlary, oblysqa, respýblıkaǵa tanymal óner adamdarymyz (ánshiler men kúıshi jáne termeshilerdiń) qoldaryna dombyra,qobyz, mıkrofon ustap, kıeli shańyraq sahnada júrip, aýdanymyzdyń óner salasyn arttyrýǵa úles qosýdyń ornyna osy salaǵa tikeleı jaýapty Qaratóbe aýdan ákimi orynbasary J.Sultan jáne mádenıet bólimi basshysy M.Esendosov olardyń qoldaryna kúrek, balǵa, shege, qysqash pen syr berip qoıyp ájethana qazdyryp, aýyr jumystarǵa salyp, ystyq kúnniń astyna qul sekildi qara jumysqa salyp jegip qoıypty.
QAZAQ HALQY ULTTYQ ÓNERDİ BAǴALAǴAN, ÓNER ADAMDARYN QURMETTEGEN!
Eı, Sultan men Esendosov bastyqsymaqtar! Ulttyq ónerdi bylaı taptamańdar! Óner adamdaryn olaı qorlamańyzdar! Ýaqytsha júrgen laýazymdaryńdy paıdalanyp, óner adamdaryna dikińdep, qara jumysqa jekpeńder! Ondaıǵa halyq bolyp jol bermeımiz!
Qazaq halqy ónerdi baǵalaǵanyn jáne óner adamdaryn qurmettegenin umytpańdar! Qoldaryńnan is kelmese orynyńdaryńdy bosatyńdar, kresloǵa jabysyp almaı! Halyq óner adamdarynyń qolyna kúrek ustap bırja jumysshylary sekildi qara jumysta júrgenin qalamaıdy, kerisinshe qoldaryna dombyra ustap sahnada dástúrli án shyrqap, dombyrany kúmbirletip, aýdanymyzdyń ónerin damytýǵa, elimizdiń mádenıet salasyn kóterýge atsalysqanyn qalaıdy!
Jaýap kútemiz, osydan qorytyndy shyǵarýdy talap etemiz!
Talǵat Qataýov, BQO Táýelsiz kásipodaq uıymynyń tóraǵasy.
Pikir qaldyrý