Osy jyly atalyp jatqan Qazaq handyǵynyń mereıtoıy memleket júrgizip jatqan ulttandyrý saıasatynyń amaly dep sengim keledi. Túrli sharalar, mańyzdy oqıǵalar ótkizilýde. Halyq arasynan shyǵyp jatqan bastamalarǵa da qulaq túrip jatyr bılik. Osyǵan oraı, meniń de bir usynys tastaǵym keledi, zor mańyzdy usynysty. Bul usynys - qazaq ultty azamattardyń aty-jónin retteıtin zań qabyldaý. Dálirek aıtqanda, bul zań myna pýnktterdi qarastyrý kerek: - jańadan týǵan sábılerge, ne jeke bas kýáligin alǵanda azamatardyń tegine «-ov, -ova», «-ev, -eva», «-ın, -ına» jalǵaýlaryn jalǵamaý; - tek retinde ata-babasynyń esimin óz kúıinde, ne «-tegi» jalǵaýy arqyly qoldaný; nemese baıaǵy norma boıynsha aty men ákesiniń atyn jazý (Abaı Qunanbaıuly, Dına Nurpeıisqyzy); - esimderdi durys qalpynda, gramatıkalyq normalar boıynsha jazý («Móldir» esiminiń transkrıpsıaǵa baılanysty birneshe túri bar, Moldır, Molder, Moldyr degen sıaqty). Atalǵan usynystar jańa týylǵan sábılerge, kýálik beriletin tulǵalarǵa mindetti túrde jáne aty-jónin óz qalaýynsha aýystyrǵysy kelgenderge qatysty bolý kerek. Qoldasańyzdar, áreket jasap kórelik! Nursultan Baǵıdolla, Facebook paraqshasynan