Memlekettiń túk qatysy joq degenge óz basym kelispeımin. Men de anamyn, men de balalarym ash qalmas úshin jumys isteımin.

Kezdesýler, túrli jobalarym bar, kóńilim qansha alań bolsa da úıge kesh qaıtatyn kúnderim bolady. Balalarymnyń janynda bolyp, kúnde birge ýaqyt ótkizgeniń úshin aspannan aqsha jaýmaıdy. Ata-anammen de osy úshin jıi sózge kelemin. «Nashar anasyń, balalaryńa ýaqyt ból!» degenge etim úırengen. Nege?

-Sebebi jalǵyz basty analarǵa eshqandaı kómek qarastyrylmaǵan. Múlde!

-Sebebi kúıeýler alıment tólemeıdi, tipti olardan alıment óndirip alý múmkin emes.

-Sebebi elimizde 700 000 aılyǵy bola tura tabysyn jasyryp, 7000 teńge tóleýge bolady. Muny tekserip jatqan eshkim joq.

-Bizdiń elde ǵana ekinshi áıeli birinshi áıeline tólenetin tólemniń mólsherin qysqartý úshin alımentke aryz jaza alady. Quddy álgi alıment balaǵa emes, áıelge tólenip jatqandaı. Ózine qymbat ishik satyp alýy múmkin ǵoı?!

-Sebebi memleketten páter alý úshin erli-zaıyptylar qaǵaz júzinde ajyrasady da, áıeli jalǵyz basty ana retinde kezekke turady. Al naǵyz jalǵyz basty analar kezekke turý múmkindiginen aıyrylady.

-Sebebi bizdiń elde múgedekterge ózderiniń múgedektigin dáleldeý úshin 5 jyl ýaqyt kerek. Áıtpegende barlyq jeńildikter men tólemderden qaǵylady. Memlekettiń logıkasyna súıensek, kózi soqyr adam 5 jyldan soń kórip ketýi ábden múmkin eken. Jıenim qaterli isikke shaldyǵyp, búıregin aldyrtý úshin ota jasatqan edi, al 5 jylan soń memleket ony múgedektikten alyp tastaǵan. Al búırek qaıta qalpyna kelmeıdi. Áıteýir tirshiligin jasap júr.

Aıta berse kóp... Alaıda fakt bireý – bizdiń memlekette eshkimniń quqyǵy qorǵalmaǵan. Árkim óz betinshe tyrashtanyp, kún kórip júr. 4 nesıe alady, túnde jumys isteıdi, balalaryn jalǵyz qaldyrady...

Mynaǵan senimdimin: barsha Qazaqstan bolyp aqsha jınap, jemqor bılikke suraǵan aqshasyn bereıik. Soǵan toıyp, halyqtyń qamy úshin jumys istesin.

Aına Dosmahambetqyzynyń Instagram-daǵy paraqshasynan alyndy