Eskerte ketetin bir jaıt, youtube.com jelisindegi bul vıdeo búgingi tańda 5 757 331 kórilim jınaǵan, 31 myń adamǵa unap, 370 adamǵa unamaı, 1 772 adam pikirin jazǵan eken.

Bul vıdeony ushaqtyń kabınasynan úndi ushqyshy túsirgen.

Jerge qonǵan soń, ol vıdeony ǵalamtorǵa júktep: «Bul ushqyshtyń ylǵı kóretin, baqytyna oraı, jolaýshylardyń kórmeıtin kórinisi» dep jazdy. Bul kadrlarǵa qarasań, ushqyshtyń nege dál solaı jazǵanyn túsinikti bolady.

Kabınadaǵy kamera ushaqtyń Jańa Zelandıada ornalasqan Kvınztaýn qalasyna qoný barysyn túsirgen. Eń birinshi tańdaı qaqtyratyn nárse – aınalany qorshaǵan sulýlyq: taý shyńy, mamyq bult! Qarasań, kóz toımaıdy, shirkin!

Alaıda, kenetten ushqysh ushaqty taý jaqqa qaraı buryp, bulttyń ishine «kúmp» beredi! Qarap otyryp-aq, qorqynyshtan júregiń dir ete qalady! Qysqasy, birneshe sekýndtan keıin-aq ushqyshtyń durys baǵyt alǵanyna kóz jetkizesiń.

Dál osy sátti jolaýshylardyń óz kózderimen kórmegeni  óte durys bolǵan! Júıke júıelerine de, júrekterine da solaı bolǵany jaqsy... Tynyshtyq kerek!

Aýdarǵan: Maqpal Sembaı