2019 jylǵy 10-sáýirde Elbasynyń «Rýhanı jańǵyrý» baǵdarlamasynyń 2 jyldyǵyna oraı ál-Farabı atyndaǵy Qazaq ulttyq ýnıversıtetinde «Uly Dala mádenıetiniń rámizderi, jádigerleri jáne eskertkishteri» atty halyqaralyq ǵylymı konferensıa ótti.
«Ál-Farabı ǵylymı kitaphanasynyń» konferens-zalynda uıymdastyrylǵan aýqymdy shara saıasattaný, mádenıettaný, dintaný, fılosofıa jáne áleýmettaný salalaryn zertteıtin ǵalymdar men mamandardyń turaqty baılanystaryn qalyptastyrýǵa baǵyttalyp, kelesideı taqyryptardy qamtydy: «Qoǵamdyq sanany modernızasıalaý úderisindegi rámizdik fenomender», «Zamanaýı qazaqstandyq qoǵamdaǵy aqparattyq-kommýnıkatıvti tehnologıalar, buqaralyq mádenıet, dinı qundylyqtardyń adam sanasyna yqpaly», «Jahandanýdyń zamanaýı teorıalary jáne olardyń etnıkalyq, ulttyq mádenıetterge yqpaly», «Dala men Qala konsepsıasy», «Uly Dala órkenıettiriniń úderister ilimi», «Qazaqstandaǵy mádenı týrızm. Uly Dalanyń mádenıetter suhbaty, ulttyq kody men qundylyqtary».
Konferensıa jumysyna Qazaqstan, Reseı Ýkraına, Tájikstan, Ońtústik Koreıa, Túrkıa jáne Estonıa elderiniń ǵalymdary qatysyp, oılaryn ortaǵa saldy.
Estonıa elinen kelgen «Tallın tehnologıalyq ýnıversıtetiniń» profesory, PhD doktor Peeter Mýýrsepp, «Theories of Globalisation and Local Cultures» (Jahandaný teorıasy jáne jergilikti mádenıet», Túrkıa elinen kelgen qonaqtar qatarynda PhD doktor, «Aqteńiz ýnıversıtetiniń» profesory Shahın Fılızmemleket pen tulǵany, qoǵamdy damytýdaǵy máselelerdi sheshý úshin qazaqstandyq jáne sheteldik ǵalymdardyń kúsh-jigerin biriktirýge baǵyttalǵan «Ál-Farabı – H ǵasyrdaǵy Túrki Renesans kóshbasshysy» jáne «Hadjettepe ýnıversıtetiniń» profesory, PhD doktory Seıfy Iyldyrym «ál-Farabıdiń mádenıetter suhbatyndaǵy róli» taqyryptarynda baıandama jasady.
Plenerlyq otyrys ulttyq ýnıversıtettiń fılosofıa kafedrasynyń meńgerýshisi, fılosofıa ǵylymdarynyń doktory, profesor G.J. Nuryshevanyń «Uly dalanyń jeti qyry jáne qazaq tarıhynyń fılosofıasy» jáne Fılosofıa, saıasattaný jáne dintaný ınstıtýtynyń bas ǵylymı qyzmetkeri, fılosofıa ǵylymdarynyń doktory, profesor Ǵ.Q. Qurmanǵalıevanyń «Dıalog kúltýr ı sennostı Velıkoı stepı v kontekste modernızasıı obshestvennogo soznanıa» atty baıandamalarymen jalǵasyn tapty.
İs-shara barysynda «Mádenıettaný», «Qazaq mádenıeti tarıhy» atty qazaq, orys, aǵylshyn tilderinde basylyp shyqqan jańa oqýlyqtarynyń tusaýyn kesý rásimi jasalyp, kelgen qonaqtarǵa arnaıy baspa ónimderi syıǵa tartylǵan.
Sheteldendik jáne otandyq ǵalymdar, ǵylymı ınstıtýttardyń ǵylymı qyzmetkerleri, ál-Farabı atyndaǵy QazUÝ oqytýshylary, doktoranttary men
magıstranttary, BAQ ókilderi, jalpy sany 200 adam qatysqan irgeli bas qosýda «Rýhanı jańǵyrý» baǵdarlamasynyń qoǵamdyq sanany jańǵyrtýdaǵy róli jaıly suhbattar jasalyp, oı-túıindemeler, pikir almasýlar boldy.
Ótkenimizdi tarıh tuǵyrynan baǵamdap, tereń zerdeleýge úndep kelgen Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy oı-pikirleriniń mán-mańyzyn kópshilikke tanystyrý, tarıhymyzdy, mádenıetimizdi nasıhattaýda atalmysh sharanyń mańyzy zor.
