Bul taqyryptyń bas keıipkeri – brıtanıalyq maıor Ýolter Sammerford. Onyń basynan óte sırek kezdesetin jaǵdaılar ótken. Ol Flandrıadaǵy áskerı tolqýlar ýaqytynda at ústinde júrgen kezinde alǵash ret naızaǵaı soqqysyn alady.

Áskerı qyzmetkerge bul soqqy ońaı bolmady. Denesi belden tómen jumys jasamaı qalǵan Sammerford áskerı qyzmetin aıaqtady da, Kanada-Vankýverge ketip qaldy.

Arada 6 jyl ótkende...

1924 jyly otstavkadaǵy maıor jaǵada balyq aýlap otyrǵan sátinde taǵy da keleńsizdik oryn alady. Maıordyń janyndaǵy aǵashqa naızaǵaı túsip, Sammerford zardap shegedi.

Maıor ekinshi naızaǵaı soqqysynan denesiniń oń jaq bóligi jansyzdanyp, áreń qalypqa keledi. Araǵa eki jyl salyp, Ýolter aıaqqa turýǵa talpyna bastady. Kúndelikti jattyǵý arqyly maıor úı men saıabaq arasyndaǵy joldy júrip ótýge daǵdylandy. Eki ret darymaǵanyna namystanǵan naızaǵaı ony jaıyna qaldyrmady.

Arada taǵy da alty jyl ótkende, 1930 jyly jasyn oty oǵan qaıta aınalyp soqty. Úshinshi ret soqqy alǵan maıordyń denesi túgeldeı isten shyǵyp, birshama ýaqyt ótkennen keıin dúnıeden ozdy.

Naızaǵaı ony taǵy izdedi...

Sammerfordtyń erekshe tarıhyna ólimi núkte qoımady. Onyń jerleý rásiminen tórt jyl ótkennen keıin maıordyń kóktasyna naızaǵaı qaıta aınalyp soqty. Maıor tarıhy sol ýaqytta úlken tanymaldylyqqa ıe boldy. Endi she, naızaǵaı bir adamdy tirisinde úsh ret, ólgennen keıin taǵy bir ret izdep kelse?!

Taǵy bir uqsas jaǵdaı!

Bul tıptes jaǵdaı tarıhta jalǵyz emes. 1899 jyly ıtalıalyq azamat naızaǵaı soqqysynan qaıtys bolady. Arada 30 jyl ótkende onyń balasy dál sol jerde jaı túsip, jer jastanady. Al 1949 jyly onyń nemeresi de jasyn otynyń áserinen o dúnıege attanǵan.

Tań qalmasyńa shara joq...