Eýroodaq parlamenti jaqsy vızalyq tarıhy bar azamattarǵa shengen vızasyn berýdi jeńildetý týraly Eýropalyq komısıanyń usynysyn bekitti.

Parlament músheleriniń aıtýynsha, saıahatshylar endigi ýaqytta vızaǵa tapsyrysty úsh aı buryn emes, jarty jyl buryn beredi. Bul sheshim kúshine engen jerlerde týrıser tapsyrysty elektrondy túrde berýge bolady. Sonymen qatar, 6-18 jas aralyǵyndaǵy jasóspirimderdi vıza qajettiliginen bosatý josparlanýda.

Aıta ketý kerek, Eýroodaq elderinde kóp bolatyn, «jaqsy vızalyq tarıhy» bar azamattar jaramdylyq merzimi 1-den 5 jylǵa deıingi vızalardy ala alady.

Sondaı-aq, Eýroodaq mıgrasıalyq zańdardyń ózgerýi sóz boldy. Óıtkeni, qazir kúshinde turǵan «vızalyq saıasat» 2010 jyldan beri qatty ózgeriske ushyraǵan.

2018 jyldyń qazan aıynda Eýroodaqtyń Reseıdegi elshisi Markýs Ederer reseılikterge shengen vızasy kóptep berile bastaǵanyn aıtqan-dy. 2017 jyly 3,8 mıllıon shengen vızasy reseılik azamattarǵa berilgen. Bul kórsetkish 2016 jylmen salystyrǵanda 20 paıyzǵa artyq. Sonymen qatar, birneshe rettik vızalar úlesi 85 paıyzdy qurady.