"Nur Otan" partıasy tóraǵasynyń birinshi orynbasary Máýlen Áshimbaev Jambyl oblysyndaǵy iri jol apatyna zardap shekken otbasylarǵa kóńil aıtty dep habarlaıdy Qamshy.kz aqparat agenttigi.

Ol týraly Máýlen Áshimbaev óziniń feısbýktegi paraqshasynda jazdy.

"Jambyl oblysyndaǵy iri jol apatytýraly sýyt habar meniń de kóńilimdi qulazytyp jiberdi. Osyǵan baılanysty ózimniń jáne «Nur Otan» partıasynyń atynan apat saldarynan qaza bolǵandardyń otbasy men týǵan-týystaryna qaıǵylaryna ortaqtasyp, kóńil aıtamyn" deı kele, qoǵam qaıratkeri zardap shekkenderdiń tezirek saýyǵyp ketýine tilektes ekendigin de jazypty. 

"Qazirgi tańda osy oqıǵaǵa qatysty arnaıy komısıa qurylyp, oblystyq ákimdik tarapynan shuǵyl túrde tıisti jumystar júzege asyrylyp jatyr. Bul jumystarǵa «Nur Otan» partıasy da belsene aralasyp, qajetti sharalardy qolǵa aldy" dep aıaqtaǵan óziniń jazbasyn.

Eske sala ketsek, 20 sáýir kúni 04:15-te Almaty-Tashkent avtojolynda iri kólik apaty bolyp, 11 adam qaza taýyp, birneshe adam aýrýhanada jatqandyǵy habarlanǵan bolatyn. 

Habarlamada, apatqa qatysty Qazaqstan Respýblıkasy Qylmystyq kodeksiniń 345 babynyń 4 tarmaǵyna saı qylmystyq is qozǵalǵany da atap aıtylǵan. 

Oqı otyryńyz, ♦Almaty-Tashkent avtojolynda iri kólik apaty boldy: qaza tapqandar bar

Usynǵan: Maqpal Sembaı