Almaty-Tashkent avtojolynyń 20 sáýir kúni 04:15-te iri kólik apaty oryn aldy dep habarlaıdy Qamshy.kz aqparat agenttigi Jambyl oblysy baspasóz qyzmetine silteme jasaı otyryp. 

20 sáýir kúni 04:15-te Almaty-Tashkent avtojolynyń 181 shaqyrymynda Toyota Camri jeńil avtkólik (memlekettik nómeri 811 IJA 02) osy baǵytta júrip bara jatqan Mersedes-Bens 814 ( 209HOA 08) júk kóliginiń artyna soǵylǵan. Apat saldarynan jeńil kólikte otyrǵan áıel oqıǵa ornynda kóz jumdy. Sol sátte Shymkent qalasynan Almaty qalasyna bet alǵan Van Hool ( memlekettik nómeri 8213 FA 13) avtobýsy apatqa ushyraǵan kólikti aınalyp ótpek bolyp, aýdarylyp ketti. Avtobýstaǵy 46 jolaýshynyń 8-i oqıǵa ornynda qaza boldy. 46 azamattyń 44-i Ózbekstan azamattary, 2-i qazaqstandyq.

Oqıǵa ornyna jedel túrde Qordaı aýdanynyń ákimi, jedel járdem, tótenshe jaǵdaı qyzmetteri jetip, zardap shekkenderdi Otar, Qordaıdaǵy aýrýhanalarǵa jetkizdi. 

Apatqa ushyraǵandardyń 2-eýi aýrýhanaǵa jetpeı kóz jumǵany belgili boldy. Sonymen apat saldarynan 11 adam qaza tapty. Sondaı-aq 5 adam ota ústelinde, al 3 adam jan saqtaý bóliminde jatyr. Jaraqat alǵan basqa jolaýshylarǵa tıisti kómek kórsetilýde. Zardap shekkenderge jedel kómek kórsetýge oblys ákimdiginiń densaýlyq basqarmasynyń basshysy M. Jumanqulov bastaǵan 3 otashy-dáriger tikushaqpen Qordaı aýdanyna jetkizildi. 

Oryn alǵan oqıǵaǵa qatysty arnaıy komısıa quryldy. Onyń quramynda oblys ákiminiń birinshi orynbasary B.Orynbekov, oblystyq polısıa departamentiniń bastyǵy A.Orazalıev, basqa da tıisti laýazym ıeleri bar. Komısıa oqıǵanyń ornyna baryp, jol-kólik oqıǵasynyń mán-jaıyn anyqtap, zardap shekkenderge sapaly kómek kórsetýdi uıymdastyrýda. Sonymen birge oqıǵa ornynda oblys prokýrory J.Qusaıynov jumys jasaýda. 

Apatqa qatysty Qazaqstan Respýblıkasy Qylmystyq kodeksiniń 345 babynyń 4 tarmaǵyna saı qylmystyq is qozǵaldy.   

Usynǵan: Maqpal Sembaı