Almaty qalasynda Dostyq dańǵyly men Joldasbekov kósheleriniń qıylysynda moped tizgindegen eki jas jigit «Sýbarý» markaly jeńil kólikpen soǵysyp, qıyn jaǵdaıda aýrýhanaǵa tústi.

Instagram jelisindegi paraqshalardyń birinde oqıǵa orynynda bolǵan jeli qoldanýshysynyń áýesqoı beınematerıaly jarıalandy.

Onyń aıtýynsha, jeńil avtokólik burylǵan ýaqytta eki jigit mingen moped kelip, oń jaq búıirden soqqan.

Jol-kólik apaty orynyna jedel járdem qyzmeti qońyraý shalynǵannan keıin bir mınýt kóleminde jetip, jaraqat alǵan azamattardy aýrýhanaǵa alyp ketti.

Oqıǵa orynyndaǵy kýágerlerdiń aıtýynsha, eki jigit te aýyr jaraqat alǵan. Úsh jedel járdem kóligi ýaqytyly kelmegende, jaǵda qıyndaı túsetin edi-mys.

Qazir jol polısıasy atalǵan másele boıynsha jumys jasaýda.