San ǵasyrdan beri saltyn joǵaltpaǵan qazaq halqy ulttyq meıramdardy otyz kún oıyn, qyryq kún toıyn jasap toılap keledi. Naýryz meıramy – ejelden qalyptasqan jyl bastaý meıramy. Kúntizbe boıynsha kún men túnniń teńesýi – 22 naýryzǵa týra keledi. Kóne parsy tilide naýryz- «jańa kún», ıaǵnı «jańa jyldy» bildiredi. Bul mereke 2010 jyldyń mamyrynan beri BUU-nyń sheshimi boıynsha 21 naýryz «Halyqaralyq Naýryz kúni» bolyp atalyp keledi.

Naýryzdy kóktem merekesi retinde 3000 jyldan beri Qara teńiz mańynda, Balkan túbeginde, Orta Azıada, Kavkazda, Taıaý Shyǵysta toılaǵan.

IýNESKO 2009 jyldyń 30 qyrkúıeginde Naýryz meıramyn mádenı mura tizimine engizdi.

Yrys pen yntymaqtyń , bereke men birliktiń jarshysyna aınalǵan Ulystyń Uly kúni- Naýryz meıramyn Ál-Farabı atyndaǵy Qazaq Ulttyq ýnıversıteti joǵary deńgeıde atap ótti. QazUÝ qalashyǵyna rektorat pen ár fakúltettiń qazaq úıleri tigilip, merekelik atmosfera syılady. Samarqannyń kók tasy erip, barsha tirshilik ataýly uıqysynan oıanatyn jańarý men jańǵyrý kezeńi atanǵan Naýryz meıramy- ustazdar men stýdetter asyǵa kútetin erekshe meıram. Jyl saıyn kelisken sán- saltanatymen ótetin meıram bıyl da joǵary deńgeıde atalyp ótildi. Merekelik shara aqsaqaldyń aq batasymen ashylyp, aq jaýlyqty ájeler shashý shashty. Sahna tórinde ánshiler án shashýymen , bıshiler bıimen, kúıshiler kúıimen jınalǵan jurtshylyqqa merkelik kóńil-kúı syılady.

Tarıhty túgendep ár fakúltet ustazdary ótken zamanymyzdyń rýhty tulǵalaryn somdap, sahnalyq kórinister kórsetildi. Merekeniń basty sımvoly- Naýryz kóje. Stýdentter men qonaqtarǵa jyl boıy toq bolyp júrińizder degen yrymmen Naýryz kóje taratyldy. Birneshe kún qubylyp turǵan aýa raıy da dál osy kúni ashylyp, kún sáýlesi óz nuryn shashyp turdy. Ulttyq ónegeni ulyqtaǵan uly meıram urpaqtar úshin umytylmas ónege.

Ál-Farabı atyndaǵy QazUÝ dosenti, zań ǵylymdarynyń kandıdaty

Myńbatyrova N.K