Qazirgi tańda álem boıynsha COVID-19 vırýsyn juqtyrǵandar Amerıka Qurama Shtattarynda kóp tirkelip otyr. Reuters agenttiginiń habarlaýynsha, AQSH-ta koronavırýs juqtyrǵan 306 myńnan astam tirkelip, 8,3 myńnan astam adam pandemıadan kóz jumǵan.

– Biz óte qorqynyshty kezeńge kele jatyrmyz. Biz mundaı sandaǵy ólim-jitimdi kórgen emespiz. Múmkin, soǵys kezinde, birinshi nemese ekinshi dúnıejúzilik soǵys kezinde de kórmedik, – dedi Donald Tramp Aq úıdegi brıfıńte.

Aq úı medısına mamandarynyń aıtýynsha, úıde bolýǵa qatysty buıryqtar oryndalsa da pandemıa kezinde 100 myńnan 240 myńǵa deıin mólsherdegi amerıkalyq qaıtys bolýy múmkin.

Nú-Iork gýbernatory Endro Kýomo "bizdiń shtatta sońǵy 24 saǵat ishinde koronavırýs 630 adamnyń ómirin qıdy" dep habarlady.

Qazirge deıin Nú-Iorkte pandemıadan 3565 adam kóz jumdy. Ásirese, Nú-Iorktiń shyǵysyndaǵy Long-Aılendte jaǵdaı órship tur. Ondaǵy jaǵdaı "órt sıaqty"  dedi Kýomo baspasóz máslıhatynda.